Álemdegi geosaıası ahýal ýshyqqannyń ústine ýshyǵyp barady. Ásirese, Orta Azııadaǵy elderdiń jaǵdaıy máz emes. Ábigerge túsken Pýtın kórshilerin óz tarapyna tartyp álek. Alaıda ol Sankt-Peterbýrgte ótken forýmda Toqaevtan kútpegen soqqy aldy. Prezıdent Kreml qoldap otyrǵan Ýkraına jerindegi separatısterdiń áreketin qoldamaıtynyn ashyq aıtty. Rasynda halyqtyń qalaýy, kóptiń tileýi osy...
Bul málimdeme bázbireýlerdiń qytyǵyna tıip ketse kerek, kesheli beri áleýmettik jelige maza joq. Tipti táýir degen Qadyrovtyń ózi tentek bolyp shyqty.
Sózinshe, qańtar oqıǵasy kezinde Qazaqstandy Reseı qutqaryp qalypty-mys... Soraqysy sol «ata-babalarymyzdy óltirgen ultshyldarǵa qarsy ustanymdaryń joq» dep qoıyp qaldy.
Osylaısha, Ramzan kókemiz aıta almaı júrgen ókpe-nazyn jasyrmady. Baıqaýymyzsha, Qadyrovqa Orta Azııa elderiniń soǵysqa qatysty saıası ustanymy unamaıtyn tárizdi. Osyndaıda Kremldiń kenjesine aqyl aıtatyn Raqyshev qaıda dersiń?
Qaıtkenmende Qazaqstan men Sheshenstan arasyndaǵy jaqshanyń ishindegi barys-kelisti Keńes Raqyshevtaı eshkimniń damyta qoımaǵany anyq. Alaıda onyń ózgege aqyl aıtar shamasy joq. Óıtkeni bıznestegi senimdi serikteri shetinen ustalyp jatqanda, onyń da óz basyn arashalap alý qamynda otyrǵany belgili.
Ashyp aıtar bolsaq, dál osy Keńes Raqyshevtiń Qadyrovpen bilip búldirgen bylyqtary barshylyq.
Rucriminal.info basylymynyń dereginshe, Raqyshev Qadyrov arqyly qupııa qarjyny shetel asyryp otyrǵan. Dálirek aıtqanda, Izraıl, Eýropa jáne AQSh-qa. Qazir de ol áreket jalǵasyp jatqanǵa uqsaıdy. Basylymnyń baılamynsha, qarjynyń edáýir bóligi Nursultan Nazarbaevtyń kúıeý balasy Tımýr Qulybaevqa tıesili eken.
Tipti, bul jymysqy áreketke Raqyshevtiń qaıyn atasy Imanǵalı Tasmaǵambetovtiń de qatysy bar kórinedi. Tasmaǵambetovtiń elshilik qyzmetten ketýine Reseı men Qazaqstan arasyndaǵy «benzın máselesi» áser etken bolýy múmkin. Sebebi qaıbir jyldary Imanǵalı Tasmaǵambetovtiń inisi Ilııas Tasmaǵambetov Aqtóbedegi munaı óńdeý zaýytynyń bas dırektory bolǵanyn bilemiz. Ol zaýytty basqaryp turǵan tusta, munaı jáne munaı ónimderin urlaý isine qatysty zańsyzdyqtar anyqtalǵan.
Ázirge, Ramzannyń rahatyna, Keńestiń kóksegenine ketken qarjynyń «Jańa Qazaqstanda» suraýy bar ma, joq pa belgisiz?! Al Qulybaev bolsa, jumǵan aýzyn ashar emes...
"Adyrna" ulttyq portaly
