الماتى قالاسى بويىنشا ەكونوميكالىق تەرگەۋ دەپارتامەنتى بولات نازارباەۆ پەن ونىڭ بۇرىنعى ايەلى مايرا قۇرمانعاليەۆاعا قاتىستى «رەيدەرلىك» بابى بويىنشا قىلمىستىق ءىس قوزعادى. بۇل تۋرالى جۋرناليست ميحايل كوزاچكوۆ جازدى، دەپ حابارلايدى «ادىرنا» ءتىلشىسى.
قۇزىرلى ورگاندارعا ءتيىستى مالىمدەمەنى نۇرشا كاكەنوۆ جازعان. ول Karuan جشس يەلەرىنىڭ ءبىرى بولعانىن، بىراق ونىڭ ۇلەسىن تارتىپ العانىن ايتقان. كاسىپكەر شاعىمىندا 150 ميلليون دوللار شىعىن كەلتىرگەنىن العا تارتىپ وتىر.
اشىق دەرەكتەرگە سۇيەنسەك، ماڭعىستاۋ وبلىسىندا مارگانەتس وندىرۋمەن Karuan جشس اينالىسقان. egov.kz پورتالىندا 2006 جىلدىڭ باسىندا نۇرشا كاكەنوۆ سەرىكتەستىكتىڭ ورتاق يەلەرىنىڭ ءبىرى دەپ كورسەتىلگەن، ال سول جىلى جشس-نىڭ جالعىز قۇرىلتايشىسى بولات نازارباەۆ بولعان.
2018 جىلدىڭ اقپان ايىنان باستاپ كومپانيا ەكى زاڭدى تۇلعاعا تيەسىلى. ول ءوز جۇمىسىن وتكەن جىلى توقتاتقان.
