Bolat Nazarbaevqa qatysty qylmystyq ıs tırkeuge alyndy - derekköz

Almaty qalasy boiynşa Ekonomikalyq tergeu departamentı Bolat Nazarbaev pen onyŋ būrynǧy äielı Maira Qūrmanǧalievaǧa qatysty «Reiderlık» baby boiynşa qylmystyq ıs qozǧady. Būl turaly jurnalist Mihail Kozachkov jazdy, dep habarlaidy «Adyrna» tılşısı. Qūzyrly organdarǧa tiıstı mälımdemenı Nūrşa Käkenov jazǧan. Ol Karuan JŞS ielerınıŋ bırı bolǧanyn, bıraq onyŋ ülesın tartyp alǧanyn aitqan. Käsıpker şaǧymynda 150 million dollar şyǧyn keltırgenın alǧa tartyp otyr. Aşyq derekterge süiensek, Maŋǧystau oblysynda marganes öndırumen Karuan JŞS ainalysqan. egov.kz portalynda 2006 jyldyŋ basynda Nūrşa Käkenov serıktestıktıŋ ortaq ielerınıŋ bırı dep körsetılgen, al sol jyly JŞS-nyŋ jalǧyz qūryltaişysy Bolat Nazarbaev bolǧan. 2018 jyldyŋ aqpan aiynan bastap kompaniia ekı zaŋdy tūlǧaǧa tiesılı. Ol öz jūmysyn ötken jyly toqtatqan.