Almaty qalasy boıynsha Ekonomıkalyq tergeý departamenti Bolat Nazarbaev pen onyń burynǵy áıeli Maıra Qurmanǵalıevaǵa qatysty «Reıderlik» baby boıynsha qylmystyq is qozǵady. Bul týraly jýrnalıst Mıhaıl Kozachkov jazdy, dep habarlaıdy «Adyrna» tilshisi.
Quzyrly organdarǵa tıisti málimdemeni Nursha Kákenov jazǵan. Ol Karuan JShS ıeleriniń biri bolǵanyn, biraq onyń úlesin tartyp alǵanyn aıtqan. Kásipker shaǵymynda 150 mıllıon dollar shyǵyn keltirgenin alǵa tartyp otyr.
Ashyq derekterge súıensek, Mańǵystaý oblysynda margane óndirýmen Karuan JShS aınalysqan. egov.kz portalynda 2006 jyldyń basynda Nursha Kákenov seriktestiktiń ortaq ıeleriniń biri dep kórsetilgen, al sol jyly JShS-nyń jalǵyz quryltaıshysy Bolat Nazarbaev bolǵan.
2018 jyldyń aqpan aıynan bastap kompanııa eki zańdy tulǵaǵa tıesili. Ol óz jumysyn ótken jyly toqtatqan.
