رەسەي مەملەكەتتىك دۋماسىنىڭ بۇرىنعى دەپۋتاتى، ساياساتكەر ەۆگەني رويزمان رەسەي پرەزيدەنتى ۆلاديمير ءپۋتيننىڭ قاسىم-جومارت توقاەۆتىڭ اتىن دۇرىس اتاماۋىنا بايلانىستى پىكىر ءبىلدىردى، دەپ حابارلايدى «ادىرنا» ءتىلشىسى.
«سول جيىندا قازاقستان پرەزيدەنتى ءوزىن زيالى، ۇستامدى، پاراساتتى ۇستاعانىنا نازار اۋدارۋ كەرەك. باسشىعا دەگەن قۇرمەت پايدا بولدى. توقاەۆ پەن ءپۋتيننىڭ اراسى جەر مەن كوكتەي. ونى بارلىعى كوردى. كوپشىلىكتىڭ الدىندا ابىرويىن تۇسىرسە دە، توقاەۆ سىپايى بولۋ كەرەك ەكەنىن بىلەدى. الايدا ءدال وسىنداي دۇنيەلەر ۇمىتىلمايدى دەپ ويلايمىن. كەز كەلگەن ادامنىڭ، شەنەۋنىكتىڭ اتىن باسقا بىرەۋ دۇرىس ايتپاي، باسقا اتپەن اتاسا، «اپپارات تىلىندە» بۇل ول ادامنىڭ سەنىمەن ساناسپايتىنىن، بايقامايتىنىن بىلدىرەدى. شەنەۋنىك ءۇشىن بۇل وتە سالماقتى سيگنال، ءارى قۇرمەتتەمەۋدىڭ بەلگىسى»،– دەدى ول.
