Reseı memlekettik dýmasynyń burynǵy depýtaty, saıasatker Evgenıı Roızman Reseı prezıdenti Vladımır Pýtınniń Qasym-Jomart Toqaevtyń atyn durys atamaýyna baılanysty pikir bildirdi, dep habarlaıdy «Adyrna» tilshisi.
«Sol jıynda Qazaqstan prezıdenti ózin zııaly, ustamdy, parasatty ustaǵanyna nazar aýdarý kerek. Basshyǵa degen qurmet paıda boldy. Toqaev pen Pýtınniń arasy jer men kókteı. Ony barlyǵy kórdi. Kópshiliktiń aldynda abyroıyn túsirse de, Toqaev sypaıy bolý kerek ekenin biledi. Alaıda dál osyndaı dúnıeler umytylmaıdy dep oılaımyn. Kez kelgen adamnyń, sheneýniktiń atyn basqa bireý durys aıtpaı, basqa atpen atasa, «apparat tilinde» bul ol adamnyń senimen sanaspaıtynyn, baıqamaıtynyn bildiredi. Sheneýnik úshin bul óte salmaqty sıgnal, ári qurmettemeýdiń belgisi»,– dedi ol.
