Fitch حالىقارالىق رەيتينگ اگەنتتىگى قازاقستاننىڭ تاۋەلسىز كرەديتتىك رەيتينگىن «BBB» دەڭگەيىندە راستادى، بولجام «تۇراقتى»، دەپ حابارلايدى «ادىرنا» ءتىلشىسى.
سىرتقى كۇيزەلىستەرگە تۇراقتىلىقتى كورسەتكەن قۋاتتى فيسكالدىق جانە سىرتقى تەڭگەرىمدەر قازاقستاننىڭ رەيتينگىن قولدايتىن ماڭىزدى فاكتورلار بولىپ تابىلادى.
ساراپشىلاردىڭ پىكىرىنشە، قاڭتار وقيعالارىنان، رەسەي-ۋكراينا قاقتىعىسىنان جانە رەسەيگە قارسى سانكتسيالاردان كەيىن تۋىنداعان سىن-قاتەرلەر نەگىزگى ەكسپورتتىق تاۋارلاردىڭ جوعارى باعالارىمەن جانە تەڭىز كەن ورنىندا 2023 جىلدان باستاپ مۇناي ءوندىرۋ كولەمىنىڭ ۇلعايۋىمەن جەڭىلدەتىلدى.
Fitch 2023 جىلى مەملەكەتتىك بيۋدجەت تاپشىلىعىڭ تومەندەۋىن جانە ۇلتتىق قوردان بيۋدجەتكە ترانسفەرتتەر مولشەرى 2021 جىلعى دەڭگەيدەن 58%-عا دەيىن قىسقارادى دەپ بولجايدى، بۇل ۇكىمەتتىڭ ءجىو-ءنىڭ 30% شەگىندە قر ۇق مولشەرىن قولداۋ جونىندەگى ستراتەگياسىنا سايكەس كەلەدى.
ەلدىڭ مەملەكەتتىك قارىزى سالىستىرىپ وتىرعان ەلدەردىڭ جارتىسىنىڭ قارىز دەڭگەيىنەن تومەن ەكەندىگى حابارلاندى. Fitch بولجامى بويىنشا قازاقستاننىڭ ەلەۋلى سىرتقى رەزەرۆتەرى سىرتقى تازا كرەديتور مارتەبەسىن ساقتاۋعا كومەكتەسەدى.
سونىمەن قاتار اگەنتتىك ءوز ەسەبىندە قازاقستاننىڭ بانك سەكتورىنىڭ تۇراقتى جۇمىسىن دا اتاپ ءوتتى.
