Fitch Qazaqstannyń táýelsiz kredıttik reıtıngin rastady

2185
Adyrna.kz Telegram

Fitch halyqaralyq reıtıng agenttigi Qazaqstannyń táýelsiz kredıttik reıtıngin «BBB» deńgeıinde rastady, boljam «Turaqty», dep habarlaıdy «Adyrna» tilshisi.

Syrtqy kúızelisterge turaqtylyqty kórsetken qýatty fıskaldyq jáne syrtqy teńgerimder Qazaqstannyń reıtıngin qoldaıtyn mańyzdy faktorlar bolyp tabylady.

Sarapshylardyń pikirinshe, qańtar oqıǵalarynan, Reseı-Ýkraına qaqtyǵysynan jáne Reseıge qarsy sankııalardan keıin týyndaǵan syn-qaterler negizgi eksporttyq taýarlardyń joǵary baǵalarymen jáne Teńiz ken ornynda 2023 jyldan bastap munaı óndirý kóleminiń ulǵaıýymen jeńildetildi.

Fitch 2023 jyly memlekettik bıýdjet tapshylyǵyń tómendeýin jáne Ulttyq qordan bıýdjetke transfertter mólsheri 2021 jylǵy deńgeıden 58%-ǵa deıin qysqarady dep boljaıdy, bul Úkimettiń JIÓ-niń 30% sheginde QR UQ mólsherin qoldaý jónindegi strategııasyna sáıkes keledi.

Eldiń memlekettik qaryzy salystyryp otyrǵan elderdiń jartysynyń qaryz deńgeıinen tómen ekendigi habarlandy. Fitch boljamy boıynsha Qazaqstannyń eleýli syrtqy rezervteri syrtqy taza kredıtor mártebesin saqtaýǵa kómektesedi.

Sonymen qatar agenttik óz esebinde Qazaqstannyń bank sektorynyń turaqty jumysyn da atap ótti.

Pikirler