ماڭعىستاۋدا جوعارعى جانە ارناۋلى ورتا وقۋ ورىندارىنىڭ جاتاقحانالارىن ارالاۋ كەزىندە زاڭ بۇزۋشىلىقتارعا جول بەرىلگەندىگى انىقتالدى.
قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى ۇيىمداستىرعان شاراعا قوعامدىق ۇيىم وكىلدەرى جانە ارنايى مونيتورينگتىك توبىنىڭ مۇشەلەرى قاتىستى.
زاڭناما تالاپتارىنا جانە وقۋ ورىندارىمەن بەكىتىلگەن ىشكى ءتارتىپ ساقتالماعان. ياعني، جاتاقحانا تەك سول وقۋ ورنىنىڭ ستۋدەنتتەرىنە ارنالعانىنا قاراماستان، ءوزارا كەلىسىم ارقىلى وسىنداي زاڭسىز ارەكەتتەرگە جول بەرىلگەندىگى بەلگىلى بولدى.
اتاپ ايتقاندا، ماڭعىستاۋ پوليتەحنيكالىق كوللەدجىنە قاراستى جاتاقحانادا رەسەي فەدەراتسياسىنىڭ ازاماتشاسى گ.بايگۋزينا ءوز جانۇياسىمەن، ماڭعىستاۋ گۋمانيتارلىق كوللەدجىنىڭ ستۋدەنتى ل.ايمۋحانوۆا، وبلىستىق ءىىد جەرگىلىكتى پوليتسيا قىزمەتىنىڭ قىزمەتكەرى، پوليتسيا لەيتەنانتى د.مۋرزامۋرادوۆ زاڭسىز تۇرىپ جاتقان فاكتىلەرى انىقتالدى.
ءدال وسىنداي جاعداي وڭىردەگى جالعىز مەملەكەتتىك جوعارى وقۋ ورنى - «Yessenov University» ستۋدەنتتەرىنە ارنالعان جاتاقحاناسىندا دا ورىن العان. ياعني، جاتاقحانانىڭ №129 بولمەسىندە سول وقۋ ورنىنىڭ جۇرگىزۋشىسى ب.بالتاەۆ جانە №302 بولمەسىندە اعايىندى قوسباەۆتاردىڭ زاڭسىز تۇرىپ جاتقانى بەلگىلى بولدى.
ماڭعىستاۋ وبلىسى سىبايلاس جەمقورلىققا قارسى ستراتەگياسىنىڭ ىسكە اسىرىلۋىنا سىرتقى تالداۋ جانە باعالاۋ جونىندەگى ارنايى مونيتورينگتىك توبى توراعاسىنىڭ ورىنباسارى اسەت مانوۆتىڭ ايتۋىنشا، بۇل ءىس-شارالار سىبايلاس جەمقورلىق فاكتىلەرىن انىقتاۋعا باعىتتالعانىن.
"نۇر وتان" پارتياسىنىڭ ساياسي كەڭەسىنىڭ كەڭەيتىلگەن وتىرىسىندا پرەزيدەنت نۇرسۇلتان نازارباەۆ ستۋدەنتتەرگە جاتاقحانا سالۋ ماسەلەسىنە توقتالىپ وتكەن بولاتىن. شاھاردى ارالاپ ءجۇرىپ ستۋدەنتتەردىڭ بازارلارداعى لاشىقتاردا كۇنەلتىپ جۇرگەنىن كورىپ، ساباق وقۋعا دا، دۇرىستاپ جۋىنۋعا دا جاعداي بولماعاسىن جەردە ءبىلىم سالاسى قالاي داميدى دەگەن ەدى. ياعني، ستۋدەنتتەرگە ارنالعان جاتاقحانالاردىڭ ماسەلەسى قوعامدا وزەكتىلىگىن جوعالتقان جوق. بىراق، سوعان قاراماستان مۇنداي دەرەكتەردىڭ ورىن الىپ وتىرعاندىعى كوڭىل كونشىتپەيتىنى انىق", - دەيدى ول.
تاعى ءبىر ايتا كەتەتىنى، ماڭعىستاۋ پوليتەحنيكالىق كوللەدجى جاتاقحاناسىنىڭ ىشكى جاعدايى مەن سانيتارلىق تالاپتارعا ساي كەلمەيتىندىگى. ياعني، تازالىق تۋرالى ايتۋدىڭ ءوزى ارتىق، جاتاقحانادا كوپ جىلدان بەرى جوندەۋ جۇمىستارى جۇرگىزىلمەگەندىگى كوزگە ۇرىپ تۇر.
بارلىق ورىن العان كەمشىلىكتەر بويىنشا ءتيىستى ورگاندارعا ماسەلەنى رەتكە كەلتىرۋ جونىندە ۇسىنىستار جولداناتىن بولادى.
