«اق جول» دەمپارتياسى ۇكىمەتتەن ءىرى شەتەلدىك ينۆەستورلارمەن مۇناي-گاز جانە مەتالل رەسۋرستارىن ءوندىرۋ تۋرالى كەلىسىمنىڭ شارتتارىن حالىق الدىندا اشۋدى تالاپ ەتتى. بۇل تۋرالى «اق جول» پارتياسىنىڭ توراعاسى، ءماجىلىس دەپۋتاتى ازات پەرۋاشەۆ مالىمدەدى.
قازاقستان رەسپۋبليكاسىنىڭ
پرەمەر-ءمينيسترى
ءا. سمايىلوۆقا
بيىلعى جىلدىڭ 5 ماۋسىمىندا وتكەن جالپىحالىقتىق رەفەرەندۋم رەسپۋبليكا كونستيتۋتسياسىنا بيلىكتى قوعام مۇددەسىنە جاقىنداتۋعا باعىتتالعان بىرقاتار ماڭىزدى وزگەرىستەردى بەكىتتى. «اق جول» دەموكراتيالىق پارتياسى بۇل تۇزەتۋلەردى قولدادى جانە ولاردىڭ ءىس جۇزىندە جۇزەگە اسىرىلۋىن قامتاماسىز ەتۋ قاجەت دەپ سانايدى.
ماسەلەنى، نەگىزگى زاڭداعى ەڭ رەزونانس تۋدىرعان وزگەرىستەردىڭ ءبىرى 6-باپتىڭ 3-تارماعىنىڭ جاڭا رەداكتسياسى بولدى، وندا «جەر جانە ونىڭ قويناۋى، سۋ، وسىمدىكتەر مەن جانۋارلار دۇنيەسى، باسقا دا تابيعي رەسۋرستار حالىققا تيەسىلى» دەلىنگەن.
وسى نورمانى ورىنداۋ ماقساتىندا «اق جول» دەموكراتيالىق پارتياسى جەر قويناۋىن پايدالانۋعا، تاۋ-كەن وندىرۋگە، ونىڭ ىشىندە مۇناي مەن گاز، ءتۇستى مەن قارا مەتاللدار كەن ورىندارىنا قاتىستى بارلىق نەگىزگى كەلىسىمشارتتاردى حالىققا جاريا ەتۋدى ۇسىنادى.
تاۋەلسىزدىكتىڭ العاشقى جىلدارىندا قالىپتاسقان بەدەلدىڭ جوقتىعى، تۇسىنىكسىز ىسكەرلىك احۋال، كوبىنەسە تابيعي رەسۋرستاردى ورنالاستىرۋ مەن ءوندىرۋدىڭ قيىندىقتارى سالدارىنان ەلىمىز شەتەلدىك ينۆەستيتسيالاردى تارتۋ ءۇشىن ءىرى شيكىزات الپاۋىتتارىنىڭ قالاۋى مەن شارتتارىن ورىنداۋعا ءماجبۇر بولعانى بەلگىلى.
ايتسە دە، سودان بەرى قازاقستاندىقتاردىڭ جاڭا ۇرپاعى دۇنيەگە كەلىپ، ءوسىپ-ءونىپ، ەل دە، قوعام دا وزگەردى.
وسى ورايدا «اق جول» فراكتسياسى جەر قويناۋى تۋرالى كودەكس، يندۋستريالىق ساياسات تۋرالى جانە باسقا دا زاڭداردى تالقىلاۋدا ينۆەستورلارمەن قارىم-قاتىناستا حالقىمىزدىڭ ۇلتتىق مۇددەسىن بارىنەن جوعارى قويۋ كەرەكتىگىن ۇدايى تالاپ ەتەدى. بۇل مۇددەگە تابىستى ءادىل ءبولۋ دە، ەكونوميكانىڭ تەحنولوگيالىق، كادرلىق جانە عىلىمي-تەحنيكالىق دامۋىنا شەتەلدىك شيكىزات كورپوراتسيالاردىڭ قاتىسۋى دا كىرەدى.
بىراق ەكى جىل بۇرىن ءۇش ءىرى شەتەلدىك كومپانيا قۇرعان مۇناي-گاز ماشينا قۇراستىرۋ ورتالىعى وسى ۋاقىتقا دەيىن ءالى بىردە-ءبىر جوبانى جۇزەگە اسىرماعان، قازاقستاندىق كاسىپورىندارعا بىردە-ءبىر جاڭا ءونىم ءتۇرىن يگەرۋگە كومەكتەسكەن جوق، ينۆەستورلار پايدالاناتىن وزىق مۇناي-گاز جابدىقتارىن وندىرۋگە ارنالعان بىرىڭعاي ليتسەنزيا نەمەسە تەحنيكالىق قۇجاتتامانى بەرگەن جوق.
ءبىزدىڭ بىرنەشە رەت جولداعان ساۋالدارىمىزعا اتالمىش ورتالىق ءالى دە «ميسسياسىن انىقتاپ جاتىر» دەپ جاۋاپ بەردى.
«اق جول» دەموكراتيالىق پارتياسى كونستيتۋتسيانىڭ جاڭا رەداكتسياسى «قۇقىقتىڭ» ورىندالۋىن تالاپ ەتىپ عانا قويماي، سونىمەن قاتار ۇكىمەتتى قازاقستان حالقى, ياعني، جەر مەن قازبا بايلىقتارىنىڭ باستاپقى يەسىنىڭ الدىندا مىناداي شارالاردى قابىلداۋعا مىندەتتەيدى دەپ ەسەپتەيدى:
1. قارا جانە ءتۇستى مەتالل رۋدالارىن، مۇناي جانە گاز كەن ورىندارىن ءوندىرۋدى قوسا العاندا، ءىرى شەتەلدىك ينۆەستورلارمەن جاسالعان جەر قويناۋىن پايدالانۋعا ارنالعان كەلىسىمشارتتاردىڭ تالاپتارىن جۇرتشىلىق ءۇشىن اشىق ەتۋ. ە.Gov ازاماتتارعا ارنالعان ۇكىمەت رەسۋرسىندا مۇنداي كەلىسىمشارتتاردى جالپىعا قولجەتىمدى ەتۋ. مۇنداي شارتتاردا قوعام ءۇشىن جابىق نورمالار مەن شارتتاردى پايدالانۋ مۇمكىندىگىن بولدىرماۋ.
2. جەر قويناۋىن پايدالانۋعا ارنالعان كەلiسiمشارتتارعا وتاندىق كاسiپكەرلiك سۋبەكتiلەرiمەن جانە كاسiپورىندارىمەن بايلانىستى بiرلەسكەن جوبالارعا قاتىسۋ، ولارعا قولدانىلاتىن جابدىقتىڭ اۋىستىرىلاتىن بولشەكتەرى مەن بولىكتەرىن ءوندىرۋ تەحنولوگيالارىن بەرۋ ارقىلى جەرگiلiكتi قوعامداستىقتىڭ تەحنولوگيالىق، كادرلىق جانە عىلىمي-تەحنيكالىق دامۋىنا جاردەمدەسۋ جونiندەگi iرi شەتەلدiك ينۆەستورلاردىڭ مiندەتتەمەلەرiن قامتۋدى قامتاماسىز ەتۋ;
3. بۇل تاسىلدەردى تەك جاڭا جوبالارعا عانا ەمەس، سونىمەن قاتار كەلىسىم-شارتتى ۇزارتۋ تالاپتارى كوتەرىلگەن قولدانىستاعى كەلىسىمدەرگە دە كەڭەيتۋ.
4. بۇل تالاپ وتكەن جىلدارداعى قازاقستاننان اقشالاي قاراجاتتىڭ زاڭسىز شىعارىلۋىنىڭ ناقتى كولەمىن انىقتاۋعا جانە ولاردى ىزدەۋ مەن قايتارۋ تاسىلدەرىن قالىپتاستىرۋعا مۇمكىندىك بەرەدى دەپ ويلايمىز.
ءبىز تاۋ-كەن ءوندىرۋ جانە مۇناي-گاز كەلىسىمشارتتارىنىڭ اشىقتىعىنا جانە ولاردىڭ قازاقستان حالقىنىڭ ۇلتتىق مۇددەلەرىنە سايكەستىگىنە قويىلاتىن بۇل تالاپتار كونستيتۋتسيانىڭ جاڭا رەداكتسياسىنان تىكەلەي تۋىندايدى دەپ سانايمىز.
قۇرمەتپەن، «اق جول» دەموكراتيالىق پارتياسى فراكتسياسىنىڭ دەپۋتاتتارى.
