«Aq jol» dempartiiasy Ükımetten ırı şeteldık investorlarmen mūnai-gaz jäne metall resurstaryn öndıru turaly kelısımnıŋ şarttaryn halyq aldynda aşudy talap ettı. Būl turaly «Aq jol» partiiasynyŋ töraǧasy, Mäjılıs deputaty Azat Peruaşev mälımdedı.
Qazaqstan Respublikasynyŋ
Premer-Ministrı
Ä. Smaiylovqa
Biylǧy jyldyŋ 5 mausymynda ötken jalpyhalyqtyq referendum respublika Konstitusiiasyna bilıktı qoǧam müddesıne jaqyndatuǧa baǧyttalǧan bırqatar maŋyzdy özgerısterdı bekıttı. «Aq jol» demokratiialyq partiiasy būl tüzetulerdı qoldady jäne olardyŋ ıs jüzınde jüzege asyryluyn qamtamasyz etu qajet dep sanaidy.
Mäselenı, negızgı Zaŋdaǧy eŋ rezonans tudyrǧan özgerısterdıŋ bırı 6-baptyŋ 3-tarmaǧynyŋ jaŋa redaksiiasy boldy, onda «Jer jäne onyŋ qoinauy, su, ösımdıkter men januarlar düniesı, basqa da tabiǧi resurstar halyqqa tiesılı» delıngen.
Osy normany oryndau maqsatynda «Aq jol» demokratiialyq partiiasy jer qoinauyn paidalanuǧa, tau-ken öndıruge, onyŋ ışınde mūnai men gaz, tüstı men qara metalldar ken oryndaryna qatysty barlyq negızgı kelısımşarttardy halyqqa jariia etudı ūsynady.
Täuelsızdıktıŋ alǧaşqy jyldarynda qalyptasqan bedeldıŋ joqtyǧy, tüsınıksız ıskerlık ahual, köbınese tabiǧi resurstardy ornalastyru men öndırudıŋ qiyndyqtary saldarynan elımız şeteldık investisiialardy tartu üşın ırı şikızat alpauyttarynyŋ qalauy men şarttaryn oryndauǧa mäjbür bolǧany belgılı.
Äitse de, sodan berı qazaqstandyqtardyŋ jaŋa ūrpaǧy düniege kelıp, ösıp-önıp, el de, qoǧam da özgerdı.
Osy oraida «Aq jol» fraksiiasy Jer qoinauy turaly kodeks, industriialyq saiasat turaly jäne basqa da zaŋdardy talqylauda investorlarmen qarym-qatynasta halqymyzdyŋ ūlttyq müddesın bärınen joǧary qoiu kerektıgın ūdaiy talap etedı. Būl müddege tabysty ädıl bölu de, ekonomikanyŋ tehnologiialyq, kadrlyq jäne ǧylymi-tehnikalyq damuyna şeteldık şikızat korporasiialardyŋ qatysuy da kıredı.
Bıraq ekı jyl būryn üş ırı şeteldık kompaniia qūrǧan Mūnai-gaz maşina qūrastyru ortalyǧy osy uaqytqa deiın älı bırde-bır jobany jüzege asyrmaǧan, qazaqstandyq käsıporyndarǧa bırde-bır jaŋa önım türın igeruge kömektesken joq, investorlar paidalanatyn ozyq mūnai-gaz jabdyqtaryn öndıruge arnalǧan bıryŋǧai lisenziia nemese tehnikalyq qūjattamany bergen joq.
Bızdıŋ bırneşe ret joldaǧan saualdarymyzǧa atalmyş Ortalyq älı de «missiiasyn anyqtap jatyr» dep jauap berdı.
«Aq jol» demokratiialyq partiiasy Konstitusiianyŋ jaŋa redaksiiasy «qūqyqtyŋ» oryndaluyn talap etıp ǧana qoimai, sonymen qatar Ükımettı Qazaqstan halqy, iaǧni, jer men qazba bailyqtarynyŋ bastapqy iesınıŋ aldynda mynadai şaralardy qabyldauǧa mındetteidı dep esepteidı:
1. Qara jäne tüstı metall rudalaryn, mūnai jäne gaz ken oryndaryn öndırudı qosa alǧanda, ırı şeteldık investorlarmen jasalǧan jer qoinauyn paidalanuǧa arnalǧan kelısımşarttardyŋ talaptaryn jūrtşylyq üşın aşyq etu. E.Gov Azamattarǧa arnalǧan ükımet resursynda mūndai kelısımşarttardy jalpyǧa qoljetımdı etu. Mūndai şarttarda qoǧam üşın jabyq normalar men şarttardy paidalanu mümkındıgın boldyrmau.
2. Jer qoinauyn paidalanuǧa arnalǧan kelisimşarttarǧa otandyq käsipkerlik subektilerimen jäne käsiporyndarymen bailanysty birlesken jobalarǧa qatysu, olarǧa qoldanylatyn jabdyqtyŋ auystyrylatyn bölşekterı men bölıkterın öndıru tehnologiialaryn beru arqyly jergilikti qoǧamdastyqtyŋ tehnologiialyq, kadrlyq jäne ǧylymi-tehnikalyq damuyna järdemdesu jönindegi iri şeteldik investorlardyŋ mindettemelerin qamtudy qamtamasyz etu;
3. Būl täsılderdı tek jaŋa jobalarǧa ǧana emes, sonymen qatar kelısım-şartty ūzartu talaptary köterılgen qoldanystaǧy Kelısımderge de keŋeitu.
4. Būl talap ötken jyldardaǧy Qazaqstannan aqşalai qarajattyŋ zaŋsyz şyǧaryluynyŋ naqty kölemın anyqtauǧa jäne olardy ızdeu men qaitaru täsılderın qalyptastyruǧa mümkındık beredı dep oilaimyz.
Bız tau-ken öndıru jäne mūnai-gaz kelısımşarttarynyŋ aşyqtyǧyna jäne olardyŋ Qazaqstan halqynyŋ ūlttyq müddelerıne säikestıgıne qoiylatyn būl talaptar Konstitusiianyŋ jaŋa redaksiiasynan tıkelei tuyndaidy dep sanaimyz.
Qūrmetpen, «Aq jol» Demokratiialyq partiiasy fraksiiasynyŋ deputattary.
