ەستونيا سىرتقى ىستەر مينيسترلىگى ءپۋتيننىڭ نارۆا قالاسى تۋرالى ءسوزى ءۇشىن جۇما كۇنى رەسەيدىڭ وسى ەلدەگى ەلشىسى ۆلاديمير ليپاەۆتى شاقىرىپ الدى، دەپ حابارلايدى «ادىرنا» ۇلتتىق پورتالى.
"ازاتتىقتىڭ" حابارلاۋىنشا، رەسەي ەلشىسىمەن اڭگىمەلەسكەن شەنەۋنىكتىڭ سوزىنشە، ەستونيانىڭ نارۆا قالاسى تۋرالى پۋتين ءسوزى ەستونيانى الاڭداتادى.
"حالىقارالىق قۇقىق پەن مەملەكەتتىك ەگەمەندىكتى، اۋماقتىق تۇتاستىق قۇرمەتتەۋگە تىرىسۋ ورنىنا رەسەي يمپەرياليستىك پيعىلىن تاريحتى بۇرمالاۋ ارقىلى كۇشەيتىپ وتىر. مۇنداي ءتاسىلدىڭ سوڭى جاقسىلىقپەن اياقتالمايدى، ءتىپتى رەسەيدىڭ وزىنە دە قاۋىپتى",- دەيدى ەستونيا سىرتقى ىستەر مينيسترلىگى.
ەستونيا ۆلاديمير ءپۋتيننىڭ رەسەي يمپەراتورى - ءى پەتردىڭ ساياساتى تۋرالى سوزدەرىنە نازار اۋدارعان.
بەيسەنبى كۇنى جاس كاسىپكەرلەرمەن كەزدەسكەندە پۋتين ء"ى پەتر سولتۇستىكتەگى سوعىس جىلدارى شۆەتسيا جەرىن تارتىپ العان جوق، ءوز جەرىن قايتارىپ الدى. سانكت-پەتەربۋرگ قالاسىنىڭ ىرگەتاسى قالانعان جەردە "سلاۆياندار فين-ۋگور حالىقتارىمەن قاتار ءومىر سۇرگەن. بۇل جەر رەسەي باقىلاۋىندا بولعان. باتىس جاق تا سولاي، مىسالى نارۆا جاق" دەپ سويلەگەن.
ء"بىزدىڭ ماڭدايىمىزعا دا جەرىمىزدى قايتارىپ الۋ جازىلعان سياقتى" – دەگەن پۋتين قاي جەردى مەڭزەگەنىن ناقتى ايتپاعان.
«ادىرنا» ۇلتتىق پورتالى.
