زەلەنسكي: "شابۋىلعا شىقساق ۇلكەن شىعىنعا ۇشىرايمىز، ماعان ادامنىڭ ءومىرى ارتىق"

2139
Adyrna.kz Telegram
فوتو: rbk.ru
فوتو: rbk.ru

ۋكراينا پرەزيدەنتى ۆلاديمير زەلەنسكي ۋكراينا اسكەرى ازىرگە شابۋىلعا شىعا المايتىنىن، ويتكەنى ۋكراينا اسكەرىنىڭ قارۋ-جاراعى رەسەي اسكەرىنىڭ قارۋ-جاراعىنان ءالى كۇنگە ءالسىز ەكەنىن مالىمدەدى، دەپ حابارلايدى "ادىرنا" ۇلتتىق پورتالى "azattyq.org"-قا سىلتەمە جاساپ.

"شابۋىلعا شىقساق ۇلكەن شىعىنعا ۇشىرايمىز، ماعان ادامنىڭ ءومىرى ارتىق"- دەدى ول Financial Times گازەتىنىڭ ونلاين-كونفەرەنتسياسىندا.

زەلەنسكي "جەڭىس ۇرىس الاڭىندا بولادى" دەپ سانايدى. ول رەسەي اسكەرى 24 اقپانداعى شەبىنە دەيىن شەگىنگەندە العاشقى جەڭىس بولاتىنىن، تولىق جەڭىسكە ۋكراينا جەرى تۇگەل ازات ەتىلگەندە جەتەتىنىن ايتتى. ۋكراينا پرەزيدەنتى كەلىسسوزگە دايىن، بىراق تەك رەسەي پرەزيدەنتى ۆلاديمير پۋتينمەن سويلەسپەك.

زەلەنسكي باتىس ەلدەرىن ۋكرايناعا كوبىرەك قارۋ-جاراق بەرىپ، رەسەيگە سانكتسيانى قاتايتا تۇسۋگە، رەسەي مۇنايىنا تولىق ەمبارگو سالۋعا شاقىردى. ول كەيىنگى كەزدەرى باتىستىڭ كەي ەلدەرى ۇكىمەتتەرىنىڭ رەسەيگە سالعان سانكتسيادان شارشاي باستاعانى، سانكتسيانى جۇمسارتۋ جولىن ىزدەستىرىپ جاتقانى تۋرالى حابار ەستىگەنىن راستادى.

رەسەي ارناۋلى وپەراتسيا دەپ اتايتىن ۋكرايناداعى سوعىستىڭ جالعاسىپ جاتقانىنا 100 كۇننەن استى.

 

"ادىرنا" ۇلتتىق پورتالى.

پىكىرلەر