«Dauletten» قايىرىمدىلىق قورى تاراپىنان قاسيەتتى رامازان ايىندا «بالا-شاعامەن سولتۇستىككە» جوباسى باستاۋ العان بولاتىن. جوبا بارىسىندا 5 وتباسىنى سولتۇستىك وڭىرگە كوشىرۋ جوسپارلانعان. ناتيجەسىندە، 7 ماۋسىم كۇنى «Dauletten» قايىرىمدىلىق قورى 5 وتباسىعا قونىس توي جاساپ، اۋىل مەشىتىندە ەرۋلىك بەردى.
بۇل تۋرالى قوعام بەلسەندىسى بۋراحان داقانوۆ تا سۇيىنشىلەپ، Facebook پاراقشاسىنا جاريالادى.
“ال ءسۇيىنشى اعايىن. داۋلەتتەن كوشىرگەن 5 وتباسى تۇگەل دەرلىك سولتۇستىك قازاقستان وبلىسى شال اقىن اۋدانىنا قونىستاندى. تەرىسكەيگە 36 ادام قوستىق. كەشە داۋلەتتەننىڭ ءوزى كەلىپ، قونىس تويلارىنا قاتىستى. ءبارىمىز ريزامىز.
ءوز باسىم قاتتى قۋانىپ وتىرمىن. وسىدان ءبىراز ۋاقىت بۇرىن، داۋلەتتەن 5 وتباسىنا ءۇي الىپ بەرىپ، اۋىلدارعا كوشىرمەك دەگەندى ەستي سالا، بارىمدى سالىپ، ول وتباسىلاردى سولتۇستىككە، شال اقىن اۋدانىنا كوشىرۋگە تىرىستىم. جاتپاي تۇرماي جۇگىردىم دەسەمدە بولادى. وسى فەيسبۋكتاعى دوستارىم وعان وزدەرىڭىزدە كۋاسىزدەر. ەندى مىنە، ءتاڭىر قولداپ ماقساتىم ورىندالدى. ناتيجەسىندە، شال اقىنعا 10 ەرەسەك، 17 مەكتەپ جاسىنداعى وقۋشىلار جانە 9 بالاقاي كوشىپ كەلدى. تومەندەگى سۋرەت تولىق ەمەس، دەگەنمەن ءبىر اۋىل، ءبىر قاۋىم بوپ تۇرعانى كورىنىپ تۇر. ءبارىنىڭ دە كوزدەرىن دە وت، جۇرەگى تولعان قۋانىش. مەنىڭدە ەكى ەزۋىم ەكى قۇلاعىمدا وتىر. سەبەبى، قولىمىزدا بيلىك بولماسا دا، ءبىر ەمەس، ەكى ەمەس، 36 قازاقتىڭ سولتۇستىك قازاستانعا قونىستانىپ، ءۇيلى بولۋىنا ولاردىڭ ومىرگە دەگەن جاڭا قۇلشىنىسىن وياتۋعا سەپ بولدىق”، - دەدى ول جازباسىندا.
سونداي-اق، ول قانشا قارجى جۇمسالعانىندا ايتا كەتتى.
“داۋلەتتەننىڭ بۇل جوباسى، ياعني 5 وتباسىنى سولتۇستىككە كوشىرگەنى، 5 وتباسىنا ءۇي الىپ، وتىن سۋىنا دەيىن دايىنداپ بەرگەنى ءتىپتى بيزنەسس باستاسىن دەپ 1 ميلليوننان اقشا بەرگەنىنىڭ ءبارى ءبارى اينالىپ كەلگەندە 34 ميلليون تەڭگەنىڭ اينالاسىندا بولاتىن قارجى جۇمسالدى. ال سول 30 ميلليون تەڭگەنى ات قىپ ءمىنىپ جۇرگەن قازاقتىڭ بايلارى قانشاما.. مىنە وسى جازبانى سول كىسىلەر كورسە ەكەن..
نەگىزى، باسقاسى باسقا، مىنا ءوزىم تۇرىپ جاتقان شال اقىن جەرىندە ساتىلىمدا تۇرعان ۇيلەر جەتەرلىك. قۇندارى شامامەن 2,5 ميلليوننان- 6 ميلليون تەڭگەگە دەيىن ۇيلەر بار. ونىڭ ۇستىنە كورشىلەس، بوساپ قالعان اۋىلداردا قۇنى 500 مىڭ تەڭگەگە جەتپەيتىن ۇيلەر بار. ءبىر ميلليوندى رەمونتقا سال دا، ەمىن ەركىن تۇرا بەر. قىسقاسى، ءبىز كەلدىك اعايىن، ءسىز دە كەلىڭىز. بىزگە كورشى بولىڭىز. "TÁUEKEL". تەرىسكەي بىزگە امانات!!!! ”،- دەپ قۋانىشىن ءبىلدىردى.
“ادىرنا” ءتىلشىسى «Dauletten» قايىرىمدىلىق قورى ارقىلى سولتۇستىككە كوشىپ بارعان وتباسىلارمەن دە تىلدەستى.
ماقۇلبەكوۆ مۇرات باقتىبايۇلى «Dauletten» قايىرىمدىلىق قورى ۇيىمداستىرىپ وتىرعان جوباعا قاتىسىپ وتباسىمىن سولتۇستىككە بيزنەس باستاۋعا، باسپانا الىپ، ءومىرىن جاقسارتۋعا جولداما ۇتىپ الدى. ول 19 جىل بويى ينفورماتيكا ءپانىنىڭ مۇعالىمى بولىپ قىزمەت اتقارعان.
“بۇلدا ءبىر بىزگە اللانىڭ بەرگەن كومەگى بولار. سەبەبى، الماتى قالاسىندا نەشە جىل پəتەر جالداپ تۇردىق. مىناۋ جوبانىڭ ءبىر جاقسى باعىتى بۇل جەردە بارلىق ادامنىڭ تۇراتىن جاعدايىنا تولىق جان-جاقتى قاراسىپ، كومەكتەسىپ وتىر. دəۋلەت مىرزانىڭ بۇنى ويلاپ، ۇيىمداستىرىپ وتىرعانىنا ريزا بولامىز. سەبەبى، قاراپ تۇرساڭىزدار كوشى-قوننىڭ بارلىق شىعىندارىن كوتەرىپ الدى. باسىمىزعا باسپانا الىپ بەردى. بيزنەس باستاۋعا 1ملن قايتارىمسىز قاراجات بەرمەكشى جəنە 6 اي بويى 60 000 تگ-دەن جاردەماقى تولەپ وتىرادى. مىناۋ باۋ-باقشا، ءدəندى-داقىل ەگەمىز دەسەڭىزدەر وعاندا كومەكتەسىپ جاتىر. وتىن-كومىرىنە دەيىن ءتۇسىرىپ بەرىپ وتىر. ودان بولەك بالا-شاعاعا كۇزگى ۋاقىتتا ساباققا بارار الدىندا تاعى دا مەكتەپكە كەرەك قۇرال-جابدىقتارىن الىپ بەرەيىن دەپ وتىر. قاي مەملەكەتتە بار، قاراپ كورىڭىزدەرشى، قاي مەملەكەتكە كومەك كورسەتىلىپ جاتىر؟ حالىقتىن قامىن ويلاعان بۇل جوبا كەيىن ۇلكەن جوباعا اينالاتىن بولسا، وسى سولتۇستىك ءوڭىردى قازاقلاندىرۋ ساياساتى قارقىندى دامىپ كەتپەك. وسى سولتۇستىك وڭىردە بوس تۇرعان ۇيلەر كوپ ەكەن. مال باعىپ مال وسىرەم دەگەن ادامدارعا جايىلىمى كەڭ، توپىراعى قۇنارلى تەك قانا تەك قىسى قاتالداۋ دەگەنى بولماسا، ال قالعان ادام ومىرىنە دەگەن تابيعاتتىن دا كومەگى وتە زور بولىپ تۇر. قورىقپاي سولتۇستىك وڭىرگە كوشۋگە شاقىرامىن”، - دەدى مۇرات.
سونىمەن قاتار، شىمكەنت قالاسىنان سولتۇستىككە كوشىپ كەلگەن ساتىبالديەۆا ءاليا دا ءوز ريزاشىلىعىن بىلدىرۋدە.
ء“بىز داۋلەتتەن باستاعان قايىرىمدىلىق جوباسى ارقىلى 1311 ءوتىنىمنىڭ ىشىنەن تاڭدالعان وتباسىمىز. 5 وتباسى تاڭدالدى،سونىن ءبىرى ءبىز. بىزگە سەرگەەۆكا قالاسىنان باسپانا بەردى. بۇل جەردىڭ تابيعاتى، اۋاسى كەرەمەت، ادامدارى كىشىپەيىل،قاراپايىمدىلىعى بىزگە ۇناپ جاتىر. ءبىز بۇرىننان تۇراتىن ادام سەكىلدى تەز ۇيرەنىسىپ كەتتىك. العىسىم شەكسىز. بىزدە مەشىتتە ەرۋلىك بەرىلدى، ەرۋلىك اس بەرىلدى. بىزگە وسىنداي كىشىپەيىلدىلىكپەن كومەك قولىن سوزىپ جاتىرعان ادامدارعا قاتتى قۋاندىق. الداعى ۋاقىتتا كەلەتىن وتباسىلارعا ءبىز مىندەتتى تۇردە جول كورسەتەمىز. ءبىزدىڭ پاتەر جالداپ تۇراتىن تۋىستارىمىز، جان-جاقتاعى دوستارىمىز، بىزگە بايلانىسقا شىعىپ جاتىر. قىسىنان قورقۋدا، الايدا، ەڭ باستىسى نيەتى ءتۇزۋ، ومىرگە قۇلشىنىسى بار، پىسىق بولساڭ بارلىق جەردەن ەبىن تاۋىپ، ءومىر ءسۇرىپ كەتۋگە بولادى. Əرەكەتكە-بەرەكەت دەيدى عوي بارلىعىن جاساۋعا بولادى”،- دەيدى ءاليا.
ءاليا بارلىق مۇقتاج جاندارعا ارەكەت ەتسەڭىزدەر ءبارى بولادى دەيدى.
“شارشادىم، اناۋ جوق مىناۋ جوق ول جاي سىلتاۋ. وعان سىزدەر ەڭبەكتەنىپ،تىڭباي ۇيىقتاماي سولاي جاساساڭىزدار،ونىن بارلىعى ءوزى سىزگە بىرەۋدەن سۇراماي-اق الدىڭىزعا كەلەدى. ەڭ باستىسى اللادان سۇراۋ كەرەك. مەن ءوزىم 12 جىل كۆارتيرادا تۇردىم. 2 جىل بولجى تەلەديدارىمىز جوق. مىنە، اللاعا شۇكىر، باسپانالى بولىپ جاتىرمىن، قۇداي قالاسا تەلەديدارىمدا بولادى. ەڭ باستى ەڭبەكتەنۋىمىز كەرەك،جالقاۋ بولماۋىمىز كەرەك. مەن شىمكەنت قالاسىندا تۇرعان كەزدە پيروجكي ءپىسىرىپ، ەكى جەردىڭ پولىن جۋاتىن ەدىم. بالا-شاعامدى ساباققا شىعارىپ سالىپ، كەشكىسىن كۇتىپ الىپ، كەشكىسىن تاعى بارىپ پول جۋىپ كەلەمىن. تۇندە زاگوتوۆكامدى دايىناداپ، تاڭەرتەڭ قايتىپ كەلەم، كۇنىم سولاي وتەدى. ءƏرى بالا-شاعامنىڭ الدىندا، ءəرى كۇندەلىكتى ازىق-تۇلىگىمىزدىڭ اقشاسى ءتۇسىپ سولاي ءومىر سۇردىك. ەندى اللاعا سانسىز شۇكىر دەپ ايتايىن، وسىنداي جوبا ارقىلى ويدا-جوقتا سولتۇستىك مەكەنگە كەلىپ، وسىنداي باسپانالى بولىپ جاتىرمىن. راحمەت!”، - دەپ قۋانىشىن ءبىلدىردى.
“ادىرنا” ۇلتتىق پورتالى
