“Qoryqpai Soltüstık öŋırge köşuge şaqyramyn”: Soltüstıkten päter alǧan otbasylar alǧysyn bıldırdı

“Al süiınşı aǧaiyn.  Däuletten köşırgen 5 otbasy tügel derlık Soltüstık Qazaqstan oblysy Şal aqyn audanyna qonystandy.  Terıskeige 36 adam qostyq.  Keşe Däulettennıŋ özı kelıp,  qonys toilaryna qatysty.  Bärımız rizamyz.  Öz basym qatty quanyp otyrmyn.  Osydan bıraz uaqyt būryn,  Däuletten 5 otbasyna üi alyp berıp, auyldarǧa köşırmek degendı esti sala,  barymdy salyp,  ol otbasylardy Soltüstıkke,  Şal aqyn audanyna köşıruge tyrystym. Jatpai tūrmai jügırdım desemde bolady. Osy feisbuktaǧy dostarym oǧan özderıŋızde kuäsızder. Endı mıne,  Täŋır qoldap maqsatym oryndaldy.  Nätijesınde,  Şal aqynǧa 10 eresek,  17 mektep jasyndaǧy oquşylar jäne 9 balaqai köşıp keldı.  Tömendegı suret tolyq emes,  degenmen bır auyl,  bır qauym bop tūrǧany körınıp tūr.  Bärınıŋ de közderın de ot,  jüregı tolǧan quanyş.  Menıŋde ekı ezuım ekı qūlaǧymda otyr.  Sebebı,  qolymyzda bilık bolmasa da,  bır emes,  ekı emes,  36 Qazaqtyŋ Soltüstık Qazastanǧa qonystanyp,  üilı boluyna olardyŋ ömırge degen jaŋa qūlşynysyn oiatuǧa sep boldyq”, - dedı ol jazbasynda.

“Däulettennıŋ būl jobasy,  iaǧni 5 otbasyny Soltüstıkke köşırgenı,  5 otbasyna üi alyp,  otyn suyna deiın daiyndap bergenı tıptı bizness bastasyn dep 1 millionnan aqşa bergenınıŋ bärı bärı ainalyp kelgende 34 million teŋgenıŋ ainalasynda bolatyn qarjy jūmsaldy.  Al sol 30 million teŋgenı at qyp mınıp jürgen Qazaqtyŋ bailary qanşama..  Mıne osy jazbany sol kısıler körse eken..  Negızı,  basqasy basqa,  myna özım tūryp jatqan Şal aqyn jerınde satylymda tūrǧan üiler jeterlık.  Qūndary şamamen 2,5 millionnan- 6 million teŋgege deiın üiler bar.  Onyŋ üstıne körşıles,  bosap qalǧan auyldarda qūny 500 myŋ teŋgege jetpeitın üiler bar.  Bır milliondy remontqa sal da,  emın erkın tūra ber. Qysqasy,  bız keldık aǧaiyn,  sız de kelıŋız.  Bızge körşı bolyŋyz.  "TÁUEKEL".  Terıskei bızge amanat!!!! ”,- dep quanyşyn bıldırdı.

“Būlda bır bızge Allanyŋ bergen kömegı bolar. Sebebı, Almaty qalasynda neşe jyl pəter jaldap tūrdyq. Mynau jobanyŋ bır jaqsy baǧyty būl jerde barlyq adamnyŋ tūratyn jaǧdaiyna tolyq jan-jaqty qarasyp, kömektesıp otyr. Dəulet myrzanyŋ būny oilap, ūiymdastyryp otyrǧanyna riza bolamyz. Sebebı, qarap tūrsaŋyzdar köşı-qonnyŋ barlyq şyǧyndaryn köterıp aldy. Basymyzǧa baspana alyp berdı. Biznes bastauǧa 1mln qaitarymsyz qarajat bermekşı jəne 6 ai boiy 60 000 tg-den järdemaqy tölep otyrady. Mynau bau-baqşa, dəndı-daqyl egemız deseŋızder oǧanda kömektesıp jatyr. Otyn-kömırıne deiın tüsırıp berıp otyr. Odan bölek bala-şaǧaǧa küzgı uaqytta sabaqqa barar aldynda taǧy da mektepke kerek qūral-jabdyqtaryn alyp bereiın dep otyr. Qai memlekette bar, qarap körıŋızderşı, qai memleketke kömek körsetılıp jatyr? Halyqtyn qamyn oilaǧan būl joba keiın ülken jobaǧa ainalatyn bolsa, osy Soltüstık öŋırdı qazaqlandyru saiasaty qarqyndy damyp ketpek. Osy Soltüstık öŋırde bos tūrǧan üiler köp eken. Mal baǧyp mal ösırem degen adamdarǧa jaiylymy keŋ, topyraǧy qūnarly tek qana tek qysy qataldau degenı bolmasa, al qalǧan adam ömırıne degen tabiǧattyn da kömegı öte zor bolyp tūr. Qoryqpai Soltüstık öŋırge köşuge şaqyramyn”, - dedı Mūrat. 

“Bız Däuletten bastaǧan qaiyrymdylyq jobasy arqyly 1311 ötınımnıŋ ışınen taŋdalǧan otbasymyz. 5 otbasy taŋdaldy,sonyn bırı bız. Bızge Sergeevka qalasynan baspana berdı. Būl jerdıŋ tabiǧaty, auasy keremet, adamdary kışıpeiıl,qarapaiymdylyǧy bızge ūnap jatyr. Bız būrynnan tūratyn adam sekıldı tez üirenısıp kettık. Alǧysym şeksız. Bızde meşıtte erulık berıldı, erulık as berıldı. Bızge osyndai kışıpeiıldılıkpen kömek qolyn sozyp jatyrǧan adamdarǧa qatty quandyq. Aldaǧy uaqytta keletın otbasylarǧa bız mındettı türde jol körsetemız. Bızdıŋ päter jaldap tūratyn tuystarymyz, jan-jaqtaǧy dostarymyz, bızge bailanysqa şyǧyp jatyr. Qysynan qorquda, alaida, eŋ bastysy nietı tüzu, ömırge qūlşynysy bar, pysyq bolsaŋ barlyq jerden ebın tauyp, ömır sürıp ketuge bolady. Əreketke-bereket deidı ǧoi barlyǧyn jasauǧa bolady”,- deidı Äliia.

“Şarşadym, anau joq mynau joq ol jai syltau. Oǧan sızder eŋbektenıp,tyŋbai ūiyqtamai solai jasasaŋyzdar,onyn barlyǧy özı sızge bıreuden sūramai-aq aldyŋyzǧa keledı. Eŋ bastysy Alladan sūrau kerek. Men özım 12 jyl kvartirada tūrdym. 2 jyl boljy teledidarymyz joq. Mıne, Allaǧa şükır, baspanaly bolyp jatyrmyn, qūdai qalasa teledidarymda bolady. Eŋ basty eŋbektenuımız kerek,jalqau bolmauymyz kerek. Men Şymkent qalasynda tūrǧan kezde pirojki pısırıp, ekı jerdıŋ polyn juatyn edım. Bala-şaǧamdy sabaqqa şyǧaryp salyp, keşkısın kütıp alyp, keşkısın taǧy baryp pol juyp kelemın. Tünde zagotovkamdy daiynadap, taŋerteŋ qaityp kelem, künım solai ötedı. Ərı bala-şaǧamnyŋ aldynda, ərı kündelıktı  azyq-tülıgımızdıŋ aqşasy tüsıp solai ömır sürdık. Endı Allaǧa sansyz şükır dep aitaiyn, osyndai joba arqyly oida-joqta Soltüstık mekenge kelıp, osyndai baspanaly bolyp jatyrmyn. Rahmet!”, - dep quanyşyn bıldırdı.

“Adyrna” ūlttyq portaly