18 جاستاعى ستۋدەنت كاسپي تەڭىزىنە باتىپ كەتتى

2533
Adyrna.kz Telegram

ماڭعىستاۋ وبلىسىندا 18 جاستاعى ستۋدەنت كاسپي تەڭىزىنە باتىپ كەتتى. بۇل تۋرالى توتەنشە جاعدايلار دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.

7 ماۋسىم كۇنى كەشكى ساعات 16.20 كەزىندە قۇتقارۋ قىزمەتىنە اقتاۋ قالاسى سامال-2 ىقشاماۋدانىندا تەڭىز جاعالاۋىندا ءبىر ادامنىڭ سۋعا كەتكەنى تۋرالى حابار تۇسكەن.

«سۋعا كەتكەن ادام – 2004 جىلى تۋعان بەينەۋ اۋدانى بورانقۇل اۋىلىنىڭ تۋماسى. بوزبالا ماڭعىستاۋ ونەر كوللەدجىنىڭ 1-كۋرسىندا وقىپ جۇرگەن، سول وقۋ ورنىنا قاراستى №5 جاتاقحانادا تۇرعان. قازىرگى ۋاقىتتا مارقۇمنىڭ دەنەسىن ىزدەۋ جۇمىسى ءجۇرىپ جاتىر»، – دەيدى اقتاۋ  قالاسى توتەنشە جاعدايلار باسقارماسى ازاماتتىق قورعانىس توبىنىڭ وفيتسەرى، اعا لەيتەنانت ازامات تولەگەنوۆ.

تجد مالىمەتىنشە، جاستار جاعالاۋدا TikTok جەلىسىنە ارناپ ۆيدەو ءتۇسىرىپ جۇرگەن.

ۇشەۋى تەڭىزگە سەكىرگەن، ەكەۋى جاعاعا ءجۇزىپ شىققانىمەن ءۇشىنشى جىگىت سۋعا باتىپ كەتكەن.

ىزدەۋ جۇمىسىنا 15 قۇتقارۋشى جانە ەكى سۇڭگۋىر تارتىلعان.

”ادىرنا” ۇلتتىق پورتالى

پىكىرلەر