دۋبايدا جىلجىمايتىن مۇلىگى بار قازاقستاندىقتاردىڭ ءتىزىمى بەلگىلى بولدى

2573
Adyrna.kz Telegram
فوتو: اشىق دەرەككوز
فوتو: اشىق دەرەككوز

دۋبايدا 1550 قازاقستاندىق 1,018 ميلليارد دوللارلىق 2694 جىلجىمايتىن مۇلىككە يەلىك ەتەدى، دەپ حابارلايدى "ادىرنا" ۇلتتىق پورتالى      

@yyedilov تەلەگرامم كانالىنىڭ جازۋىنشا، ورتا ەسەپپەن قازاقستاندىقتار ءبىر جىلجىمايتىن مۇلىككە 377 989 دوللار جۇمساعان.

ءبىر قىزىعى، قازاقستاندىقتاردىڭ بۇل امىرلىكتە جىلجىمايتىن مۇلكى رەسەيلىكتەردەن ءۇش ەسە از (5381 رەسەيلىكتە 9755 جىلجىمايتىن مۇلىك بار، جالپى سوماسى — 3,344 ملرد). ال قازاقستاننىڭ جالپى ىشكى ءونىمى رەسەي فەدەراتسياسىنىڭ جالپى ىشكى ونىمىنەن شامامەن توعىز ەسە از. ياعني، بىزدە قارجىنى ءۇش ەسە كوپ ۇرلايدى، نە جاي عانا دۋبايدى ءۇش ەسە ارتىق "جاقسى كورەدى".

OCCRP مالىمەتتەرى بويىنشا دۋبايداعى ەڭ قىمبات جىلجىمايتىن مۇلىكتىڭ بىرنەشە يەلەرى عانا بەلگىلى. ولاردىڭ قاتارىندا  نۇرسۇلتان نازارباەۆتىڭ نەمەرەسى ءنۇرالى اليەۆ، بۇرىنعى پرەمەر-مينيستر جانە ۇقك-ءنىڭ بۇرىنعى باسشىسى كارىم ءماسىموۆ (قازىر قاماۋدا) جانە نۇرسۇلتان نازارباەۆتىڭ كۇيەۋ بالاسى تيمۋر قۇلىباەۆ بار،

قالعان 1547 قازاقستاندىق — دۋبايداعى جىلجىمايتىن مۇلىكتىڭ "باقىتتى" يەلەرى. ولار ەۋرووداق سالىق وبسەرۆاتورياسىنىڭ ەسەبىنە سايكەس، اكتيۆتەردى وففشورلىق كومپانيالار ارقىلى ساتىپ العان.

 

"ادىرنا" ۇلتتىق پورتالى

پىكىرلەر