ورالدا الەۋمەتتىك وسال توپقا جاتاتىن 200-گە جۋىق ادام ءۇي كەزەگىنەن نەگىزسىز شىعارىلعان. ال ولارعا تيەسىلى باسپانانى شەنەۋنىكتەر باسقاعا بەرگەن، دەپ حابارلايدى «ادىرنا» ءتىلشىسى «استانا» ارناسىنا سىلتەمە جاساپ.
امالىن تاپقان پىسىقتار مەنشىگىندە ءۇيى بولسا دا، پاتەرگە مۇقتاج جانداردىڭ كەزەگىنە كەزەكتەن تىس كىرىپتى. وسىنىڭ كەسىرىنەن تاعدىر تالكەگىنە تۇسكەن جەتىمدەر ەسەيىپ، وتباسىن قۇرسا دا، بالالارىمەن بىرگە جەتىمدىكتىڭ تاۋقىمەتىن ءالى تارتىپ وتىر.
«الەۋمەتتىك وسال توپقا جاتاتىن 200-گە جۋىق ادامنىڭ نەگىزسىز ەسەپتەن شىعارىلىپ تاستالعاندارى انىقتالدى. ولار ياعني، جەتىم بالالار، كوپبالالى وتباسىلار، تولىق ەمەس وتباسىلار. بارلىق كەزەكتەن شىعارىلعان ازاماتتاردىڭ كەزەگىن قالىپقا كەلتىرۋ بويىنشا ءتيىستى شارالار قابىلداندى. مەملەكەتتىك ورگاندارعا ءتيىستى ۇسىنىمدار بەرىلدى. ولاردىڭ ناتيجەسى بويىنشا، ۇسىنىمداردى ورىنداۋ بويىنشا ناقتى شارالار قابىلداندى»،– دەپ ءتۇسىندىردى باتىس قازاقستان وبلىسى بويىنشا سىبايلاس جەمقورلىققا قارسى قىزمەتتىڭ باسقارما باسشىسىنىڭ ورىنباسارى ءاليا دەنيزباەۆا.
شەنەۋنىكتەردىڭ شاراپاتىنا كەنەلىپ، كەزەكتەن تىس ءۇي العان 169 ادامنىڭ كىم ەكەنى بەلگىسىز. سىبايلاس جەمقورلىققا قارسى قىزمەتتىڭ دەرەگىنشە، بۇل ازداي پاتەرگە مۇقتاج ەمەس تاعى 247 ادامعا باسپانا بەرىلىپتى. ال وبلىستا 1800 جەتىمەك ءۇمىتىن ۇزبەي، ءۇي كەزەگىن كۇتىپ ءجۇر. ولاردىڭ نەسىبەسىنە ورتاقتاسىپ، ءۇيدى باسقاعا بەرگەن شەنەۋنىكتەر تەك تارتىپتىك جازامەن قۇتىلۋى مۇمكىن.
