قاسىم-جومارت توقاەۆ Kaspi kz كومپانياسىنىڭ نەگىزىن قالاعان ۆياچەسلاۆ كيم مەن ميحايل لومتادزەنى جانە تانىمال كاسىپكەر ءارى مەتسەنات راشيد سارسەنوۆتى قابىلدادى. بۇل تۋرالى اقوردا جازدى، دەپ حابارلايدى «ادىرنا» ءتىلشىسى.
مەملەكەت باسشىسىنا Kaspi kz قۇرىلتايشىلارى حالىقارالىق دەڭگەيدە تانىمال فينتەح كومپانياسىنىڭ قازىرگى قىزمەتى مەن ودان ءارى دامۋ پەرسپەكتيۆالارىنىڭ جوسپارى تۋرالى مالىمەت بەردى.
راشيد سارسەنوۆپەن كەزدەسۋ بارىسىندا وتاندىق كاسىپكەرلىكتى دامىتۋ جانە قولداۋ ماسەلەلەرى، سونىڭ ىشىندە بىرقاتار الەۋمەتتىك ماڭىزى بار جوبالاردى جۇزەگە اسىرۋ ماسەلەلەرى تالقىلاندى.
