بولاشاققا نىق قادام

661

27 مامىر كۇنى تاراز قالاسىنداعى جاستار اللەياسىندا «NEET جاستارىنىڭ قۇندىلىعى » تاقىرىبىندا كەزدەسۋ ءوتتى.كەزدەسۋ «جاستاردى الەۋمەتتەندىرۋ جانە وڭالتۋ» جوباسى اياسىندا جالعاسىن تاپتى. جوبا جاستاردىڭ جۇمىس جانە وقۋعا كەلگەندە بەلسەندىلىك تانىتپاۋ سەبەپتەرى، جوبالىق كەڭسە تاراپىنان جاستارعا كومەك بەرۋ جانە كاسىبي باعدارلاۋ تۇرلەرى، NEET جاستارىنىڭ قوردالانعان ماسەلەلەرىنىڭ شەشۋ جولدارىن قاراستىرۋعا باعىتتالعان. وسىعان بايلانىستى، تاراز قالاسىنىڭ جۇمىسپەن قامتۋ جانە جاستار رەسۋرستىق ورتالىعىمەن بىرلەسە وتىرىپ NEET جاستارىنا ارنايى جارمەڭكە دە ۇيىمداستىرىلدى.

جامبىل وبلىسى اكىمدىگى جاستار باسقارماسى، بۇگىنگى تاڭدا تاراز قالاسى مەن اۋداندارىندا 11 ورىندا بوس جۇمىس ورىندار جارمەڭكەسىن ۇيىمداستىرۋدا. جارمەڭكەدە 150-گە جۋىق جۇمىس بەرۋشىلەر قامتىلىپ وتىر. ونىڭ ىشىندە 410-عا جۋىق بوس جۇمىس ورىندارى ۇسىنىلادى دەيدى جامبىل وبلىسى اكىمدىگى جاستار ساياساتى ماسەلەلەرى باسقارماسىنىڭ باسشىسى سەرىكبول بەرىكقوجا.

«تاراز قالاسىنىڭ وزىندە اتالمىش جارمەڭكەگە 3000-عا جۋىق جۇمىسسىزدارعا قاتىسۋعا شاقىرتۋ بەرىلگەن بولاتىن. بۇل جۇمىستار قالا اۋداندارىندا دا قامتىلۋدا. قازىرگى تاڭدا جامبىل وبلىسىندا 258 مىڭعا جۋىق جاستار بار. سونىڭ ىشىندە جاستار ساياساتى ءوز جۇمىسىن وسى جۇمىسسىزدىقپەن كۇرەسكە باسا نازار اۋدارادى. جالپى وبلىستا جاستاردى دامىتۋعا ارنالعان نەگىزگى باعىتتار نازارعا الىنىپ، جۇمىستار اتقارىلۋدا»,- دەيدى سەرىكبول بەرىكقوجا.

اعىمداعى جىلدىڭ باسىنان تاراز قالاسى اكىمدىگىنىڭ حالىقتى جۇمىسپەن قامتۋ ورتالىعىنا 1400 جاس قايىرىلدى. قازىرگى تاڭدا ول جاستاردىڭ ىشىندە 801 ازامات NEET ساناتىنداعى جاستار قۇرامىنا كىرەدى. ولاردىڭ باسىم بولىگىن جۇمىسپەن قامتۋ ورتالىعى جۇمىسقا بەيىمدەپ جاتقانىن ايتتى.

«ول ازاماتتاردىڭ ىشىنەن 624 ازاماتتى تۇراقتى جۇمىس جانە جۇمىسپەن قامتۋدىڭ بەلسەندى شارالارىنا تارتىپ وتىرمىز، ياعني جۇمىستى 77.9%-عا ورىندادىق. الداعى ۋاقىتتا دا NEET ساناتىنداعى جاستاردى جۇمىسپەن قامتۋ ماقساتىندا ءبىزدىڭ ورتالىقتا وتە كوپتەگەن جۇمىستار جۇرگىزىلەدى»، _- دەيدى تاراز قالاسى اكىمىدىگىنىڭ حالىقتى جۇمىسپەن قامتۋ ورتالىعى ديرەكتورىنىڭ ورىنباسارى قابىلقۇلوۆ نۇرلان.

ءىس-شارا بارىسىندا جاستاردى بولاشاق ومىرلىك جوسپارلارىنا ىنتالاندىرۋ جانە شىعارماشىلىق الەۋەتتى دامىتۋ ماقساتىندا ءومىرىن كاسىپپەن ورنەكتەگەن بيزنەسمەن ابدرامانوۆ مارسەل جاستارعا مانساپ جانە جەكە ءوسۋ ءۇشىن ومىرلىك داعدىلاردى دامىتۋداعى تاجىريبەلەرى مەن جىبەرگەن قاتەلىكتەرى جونىندە ايتىپ بەردى.

«مەن العاشقى كاسىبىمدى حوت-دوگ ساتۋمەن باستادىم. ەشكىمنەن ۇيالعان جوقپىن. ءسويتىپ قاتەلىكتەردەن ساباق الىپ، تىنباي ەڭبەكتەنىپ، ۇلكەن بيزنەسكە اياق باستىم. قازىر كوپ جاستار بىردەن ۇلكەن بيزنەس اشقىسى كەلەدى دە اسپانعا قاراپ وتىرادى. حوت-دوگ سات، نان سات دەسەڭ ارلانادى. كەز-كەلگەن جۇمىستان ارلانباي باستاپ كەتسەڭ، سوڭىندا جەمىسىن كورەسىڭ»، - دەيدى كاسىپكەر.

كەزدەسۋ بارىسىندا كاسىپكەر كومانداسىنا ءۇش كادر تاپشىلىعى بار ەكەنىن ايتتى. سونىمەن قاتار بىرگە جۇمىس ىستەگىسى كەلەتىن جاستارعا بوس جۇمىس ورىنىن ۇسىندى. ودان بولەك، جارمەڭكەگە كەلگەن NEET ساناتىنداعى جانعازيەۆا گۇلنازيا جۇمىسپەن قامتىلدى.

«بۇگىن مەن بوس جۇمىس ورىندار جارمەڭكەسىنە كەلىپ تۇرمىن. قازىرگى تاڭدا جاستار پراكتيكاسى بويىنشا تاراز مامانداندىرىلعان كوللەدجىنە جۇمىسقا تۇرىپ جاتىرمىن. مەنىڭ قۇجاتتارىمدى قاراستىرۋ ۇستىندە. وتكەن جىلى جامبىل پوليتەحنيكالىق كوللەدجىن ءتامامدادىم. ءبىر جىل بويى جۇمىسسىز ءجۇردىم. بۇيىرتسا، باعدارلاماشى ماماندىعى بويىنشا جۇمىسقا تۇرىپ كەتەمىن دەگەن ويدامىن»، دەيدى جامبىل پوليتەحنيكالىق كوللەدجىنىڭ تۇلەگى جانعازيەۆا گۇلنازيا.

 

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket