قدب قۇلىباەۆ پەن ساتىبالدىنىڭ قۇداسىن قارجىلاندىرۋدان باس تارتتى

2663
Adyrna.kz Telegram
فوتو: اشىق دەرەككوز
فوتو: اشىق دەرەككوز

قازاقستاننىڭ دامۋ بانكى قازاقستاندىق ميلليونەرلەر مەن نازارباەۆتىڭ تۋىستارىنا اقشا بەرگىسى كەلمەيدى. بانكتىڭ قاراۋىنداعى جوبالار ءتىزىمى قىسقارتىلدى، دەپ حابارلايدى "ادىرنا" ۇلتتىق پورتالى "orda.kz"-كە سىلتەمە جاساپ.

تۇڭعىش پرەزيدەنت نۇرسۇلتان نازارباەۆتىڭ كۇيەۋ بالاسى، دوللارلىق ميللياردەر تيمۋر قۇلىباەۆقا قاتىستى ەكى جوبا قازاقستاننىڭ دامۋ بانكىنەن قارجىلاندىرۋعا ءوتىنىم بەرگەن جوبالار تىزىمىنەن شىعارىلدى. "Almex Petrochemical" جشس تەرەفتال قىشقىلى مەن پوليەتيلەنتەرەفتالات وندىرەتىن زاۋىت، ال "QAZSUGAR Co" جشس جامبىل وبلىسىندا قانت قىزىلشاسىن وڭدەيتىن زاۋىت سالماق بولعان.

قايرات ساتىبالدىعا قۇدا بولىپ كەلەتىن سەيىتجانوۆتار وتباسىنىڭ "Talas Investment Company" جشس-ى دا تىزىمنەن الىندى. وتباسى Forbes Kazakhstan تىزىمىنە 331 ميلليون دوللار بايلىعىمەن ەندى. Talas Investment Company ناتري ءتسيانيدى زاۋىتىنىڭ ەكىنشى كەزەگىن سالۋدى جوسپارلاپ وتىر. بۇل ءوندىرىستىڭ ءبىرىنشى كەزەڭى قدب نەسيەسىنىڭ ارقاسىندا سالىندى.

سونداي-اق قازاقستاننىڭ دامۋ بانكىنىڭ نەسيەگە ۇمىتكەرلەر تىزىمىنەن "ShalkiyaZinc LTD" اق جانە  "Caspian Plaza" جشس (قۇرىلتايشىسى "BAZIS-A Corp") دا الىندى.

ايتا كەتۋ كەرەك، 11 قاڭتاردا سويلەگەن سوزىندە قر پرەزيدەنتى ق.توقاەۆ قدب-نى ەليتاعا ارنالعان بانك دەپ اتاعان بولاتىن.

 

"ادىرنا" ۇلتتىق پورتالى.

پىكىرلەر