قوسشى قالاسىندا سىرتقى ەلەكترمەن جابدىقتاۋ وبەكتىلەرىن سالۋ كەزىندە 222 ميلليون تەڭگەدەن استام بيۋدجەت قارجىسى جىمقىرىلعانى بەلگىلى بولدى، دەپ حابارلايدى "ادىرنا" ۇلتتىق پورتالى.
اقمولا وبلىسى پروكۋراتۋراسى ءباسپاسوز قىزمەتىنىڭ مالىمەتىنشە، اتالمىش قىلمىس پروكۋرورلىق تەكسەرىس بارىسىندا انىقتالعان.
"تاپسىرىس بەرۋشى رەتىندە قوسشى قالاسىنىڭ قۇرىلىس ءبولىمى ترانسفورماتورلىق قوسالقى ستانتسيالاردى ورناتپاعان. الايدا 222,2 ميلليون تەڭگە مولشەرىندە نەگىزسىز تولەم جۇرگىزىپ، وسى جۇمىستاردى ورىنداۋ تۋرالى اكتىلەرگە قول قويعان (2019 جىلدان باستاپ قازىرگى ۋاقىتقا دەيىن جۇمىستار ورىندالعان جوق). ارنايى پروكۋرورلار باسقارماسى وسىعان بايلانىستى قر قىلمىستىق كودەكسىنىڭ 189-بابىنىڭ 4-بولىگى 2-بولىمشەسى (اسا ءىرى كولەمدە جىمقىرۋ) بويىنشا قىلمىستىق ءىستى تەرگەپ جاتىر", - دەيدى پروكۋراتۋرانىڭ ءباسپاسوز قىزمەتى.
قازىرگى ۋاقىتتا تەرگەۋ ورگانى سوتتىڭ سانكتسياسىمەن قۇرىلىس ءبولىمىنىڭ باسشىسىن قاماۋعا الدى.
"وسى رەتتە، پروكۋراتۋرا بيۋدجەت قاراجاتىن جىمقىرعاندارعا قر قىلمىستىق كودەكسىنىڭ 189-بابى 4-بولىگى 2-بولىمشەسى بويىنشا 7 جىلدان 12 جىلعا دەيىن باس بوستاندىعىنان ايىرۋ جازاسى قاراستىرىلعانىن حابارلايدى. وزگە اقپارات تەرگەۋ مۇددەسى ءۇشىن جاريا ەتۋگە جاتپايدى", - دەلىنگەن حابارلامادا.
"ادىرنا" ۇلتتىق پورتالى.
