Qosşy qalasynda syrtqy elektrmen jabdyqtau obektılerın salu kezınde 222 million teŋgeden astam biudjet qarjysy jymqyrylǧany belgılı boldy, dep habarlaidy "Adyrna" ūlttyq portaly.
Aqmola oblysy prokuraturasy baspasöz qyzmetınıŋ mälımetınşe, atalmyş qylmys prokurorlyq tekserıs barysynda anyqtalǧan.
"Tapsyrys beruşı retınde Qosşy qalasynyŋ qūrylys bölımı transformatorlyq qosalqy stansiialardy ornatpaǧan. Alaida 222,2 million teŋge mölşerınde negızsız tölem jürgızıp, osy jūmystardy oryndau turaly aktılerge qol qoiǧan (2019 jyldan bastap qazırgı uaqytqa deiın jūmystar oryndalǧan joq). Arnaiy prokurorlar basqarmasy osyǧan bailanysty QR Qylmystyq kodeksınıŋ 189-babynyŋ 4-bölıgı 2-bölımşesı (asa ırı kölemde jymqyru) boiynşa qylmystyq ıstı tergep jatyr", - deidı prokuraturanyŋ baspasöz qyzmetı.Qazırgı uaqytta tergeu organy sottyŋ sanksiiasymen qūrylys bölımınıŋ basşysyn qamauǧa aldy. "Osy rette, prokuratura biudjet qarajatyn jymqyrǧandarǧa QR Qylmystyq Kodeksınıŋ 189-baby 4-bölıgı 2-bölımşesı boiynşa 7 jyldan 12 jylǧa deiın bas bostandyǧynan aiyru jazasy qarastyrylǧanyn habarlaidy. Özge aqparat tergeu müddesı üşın jariia etuge jatpaidy", - delıngen habarlamada.
"Adyrna" ūlttyq portaly.
