قىزىلوردا وبلىسى اكىمىنىڭ ورىنباسارى بالجان شامەنوۆا قىزمەتىنەن كەتتى، دەپ حابارلايدى "ادىرنا" ۇلتتىق پورتالى "Tengrinews.kz"-كە سىلتەمە جاساپ.
ول قىزىلوردا قالاسىنىڭ اكىمى اسىلبەك شامەنوۆتىڭ تۋىسى بولىپ شىقتى. شەنەۋنىك جۇمىستان كەتۋ تۋرالى شەشىمىن وڭىرلىك كوممۋنيكاتسيالار قىزمەتىندە وتكەن بريفينگتە مالىمدەدى. ونىڭ ايتۋىنشا، ءبىر وتباسىنان شىققان ەكى ادامنىڭ جوعارى لاۋازىمدى قىزمەتتە جۇمىس ىستەۋى ساياسي تۇرعىدان دۇرىس ەمەس.
"سوندىقتان مەن ءوز ەركىممەن جۇمىستان كەتۋگە شەشىم قابىلدادىم. جاس كادرلارعا جول بەرەيىك. ولار ەل يگىلىگى ءۇشىن جۇمىس ىستەۋى كەرەك", - دەدى ول.
وبلىس اكىمى نۇرلىبەك نالىباەۆ ءوزىنىڭ بۇرىنعى ورىنباسارى بالجان شامەنوۆانى قۇرمەتپەن شىعارىپ سالدى. كەزدەسۋ بارىسىندا ءوڭىر باسشىسى شامەنوۆانىڭ وبلىستىڭ دامۋىنا قوسقان زور ۇلەسىن اتاپ ءوتىپ، وبلىس اكىمدىگىنىڭ قۇرمەت گراموتاسىن تابىس ەتتى.
بالجان شامەنوۆا ەندى ەڭبەك جانە حالىقتى الەۋمەتتىك قورعاۋ مينيسترلىگىندە جاۋاپتى قىزمەتتە جۇمىس ىستەيتىن بولادى.
"ادىرنا" ۇلتتىق پورتالى
