الماتى وبلىسىندا جولاۋشىنى ۇردى دەگەن كۇدىككە ىلىنگەن تاكسي جۇرگىزۋشىسى انىقتالدى. وقيعاعا جولاۋشىنىڭ قازاق ءتىلىن بىلمەۋى سەبەپ بولعان، دەپ حابارلايدى "ادىرنا" ۇلتتىق پورتالى "orda.kz"-كە سىلتەمە جاساپ.
بۇل فاكتىگە قاتىستى اقپارات الەۋمەتتىك جەلىلەردە پايدا بولىپ، وعان وبلىستىق پوليتسيا دەپارتامەنتى پىكىر ءبىلدىردى. تەكسەرە كەلە، زارداپ شەككەن قىز ىلە اۋدانىنىڭ پوليتسياسىنا رەسمي ارىز بەرگەنى بەلگىلى بولدى.
«Mitsubishi Galant اۆتوكولىگىن جەكە تاسىمالداۋ ءۇشىن پايدالانعان 21 جاستاعى ىلە اۋدانىنىڭ تۇرعىنى انىقتالدى. ول الماتىدان وتەگەن باتىر اۋىلىنا بەت العان جولاۋشىسىنا شابۋىل جاسادى دەگەن كۇدىككە ءىلىندى. قازىر بۇل فاكتى بويىنشا قاجەتتى ساراپتامالار تاعايىندالىپ، قر قىلمىستىق كودەكسىنىڭ «وزiنشە بيلiك ەتۋ» بابى بويىنشا قىلمىستىق ءىس قوزعالدى. تەرگەۋ اياسىندا ەكى تاراپتىڭ ۋاجدەرى قولدانىستاعى زاڭناما نورمالارىنا سايكەس قارالاتىن بولادى» دەپ حابارلادى الماتى وبلىستىق پد ءباسپاسوز قىزمەتى.
عالامتوردا تاراعان اقپاراتتا 26 جاستاعى جابىرلەنۋشىنىڭ 21 مامىردا ءتۇن ورتاسىندا اقىسىن الدىن الا كەلىسىپ الىپ، وتەگەن-باتىر اۋىلىنا اتتانىپ كەتكەنى ايتىلعان. سونداي-اق، كولىكتە تاعى ەكى ايەل بولعان، ولاردىڭ ءبىرىن جولدا تاكسي جۇرگىزۋشىسى الىپ كەتكەن.
بارلىعى ورىسشا، قازاقشا سويلەسكەن. جابىرلەنۋشى جول اقىسىن شوتپەن تولەگەن، ول جول ءجۇرۋ اقىسىنان دا كوپ بولىپ شىققان. ياعني، كەلگەن بويدا بويجەتكەن جۇرگىزۋشىدەن بۇرىن اۋدارعان 500 تەڭگەسىن شەگەرۋدى تالاپ ەتكەن. بىراق جۇرگىزۋشى ونى تۇسىنبەگەندەي كەيىپ تانىتىپ، قازاق تىلىندە ديالوگ جۇرگىزۋدى تالاپ ەتكەن.
ناتيجەسىندە جۇرگىزۋشى توقتاپ، ونى كولىكتەن كۇشتەپ شىعارىپ الىپ، كەزدەيسوق كۋاگەر پوليتسيا شاقىرامىن دەپ قورقىتا باستاعانشا ۇرىپ-سوققان. ەر ادامعا ونىڭ سەرىكتەرىنىڭ ءبىرى كومەكتەسكەن دەگەن بولجام بار.
اتالعان فاكتى بويىنشا تەرگەۋدى وبلىستىق پوليتسيا دەپارتامەنتى ءوز باقىلاۋىنا الدى.
"ادىرنا" ۇلتتىق پورتالى
