Almaty oblysynda jolauşyny ūrdy degen küdıkke ılıngen taksi jürgızuşısı anyqtaldy. Oqiǧaǧa jolauşynyŋ qazaq tılın bılmeuı sebep bolǧan, dep habarlaidy "Adyrna" ūlttyq portaly "orda.kz"-ke sılteme jasap.
Būl faktıge qatysty aqparat äleumettık jelılerde paida bolyp, oǧan oblystyq polisiia departamentı pıkır bıldırdı. Teksere kele, zardap şekken qyz Ile audanynyŋ polisiiasyna resmi aryz bergenı belgılı boldy.«Mitsubishi Galant avtokölıgın jeke tasymaldau üşın paidalanǧan 21 jastaǧy Ile audanynyŋ tūrǧyny anyqtaldy. Ol Almatydan Ötegen batyr auylyna bet alǧan jolauşysyna şabuyl jasady degen küdıkke ılındı. Qazır būl faktı boiynşa qajettı saraptamalar taǧaiyndalyp, QR Qylmystyq kodeksınıŋ «Özinşe bilik etu» baby boiynşa qylmystyq ıs qozǧaldy. Tergeu aiasynda ekı taraptyŋ uäjderı qoldanystaǧy zaŋnama normalaryna säikes qaralatyn bolady» dep habarlady Almaty oblystyq PD baspasöz qyzmetı.
Ǧalamtorda taraǧan aqparatta 26 jastaǧy jäbırlenuşınıŋ 21 mamyrda tün ortasynda aqysyn aldyn ala kelısıp alyp, Ötegen-Batyr auylyna attanyp ketkenı aitylǧan. Sondai-aq, kölıkte taǧy ekı äiel bolǧan, olardyŋ bırın jolda taksi jürgızuşısı alyp ketken.Barlyǧy orysşa, qazaqşa söilesken. Jäbırlenuşı jol aqysyn şotpen tölegen, ol jol jüru aqysynan da köp bolyp şyqqan. Iаǧni, kelgen boida boijetken jürgızuşıden būryn audarǧan 500 teŋgesın şegerudı talap etken. Bıraq jürgızuşı ony tüsınbegendei keiıp tanytyp, qazaq tılınde dialog jürgızudı talap etken.
Nätijesınde jürgızuşı toqtap, ony kölıkten küştep şyǧaryp alyp, kezdeisoq kuäger polisiia şaqyramyn dep qorqyta bastaǧanşa ūryp-soqqan. Er adamǧa onyŋ serıkterınıŋ bırı kömektesken degen boljam bar.Atalǧan faktı boiynşa tergeudı oblystyq polisiia departamentı öz baqylauyna aldy.
"Adyrna" ūlttyq portaly
