قازاقستان سىرتقى ىستەر مينيسترلىگىنىڭ رەسمي وكىلى ايبەك سمادياروۆ وزبەكستاندا قازاقستاندىق تۋريستەردىڭ جابىرلەنۋىنە قاتىستى مالىمدەمە جاسادى، دەپ حابارلايدى "ادىرنا" ۇلتتىق پورتالى "قازاقپاراتقا" سىلتەمە جاساپ.
"قازاقستان سىرتقى ىستەر مينيسترلىگى نە جاعداي بولعانىن ءتۇسىنۋ ءۇشىن حات جولدادى. ءبىز ازاماتتارىمىزدىڭ قۇقىعىن قورعايمىز", – دەدى ايبەك سمادياروۆ.
ونىڭ ايتۋىنشا، مينيسترلىك سامارقان ىشكى ىستەر ورگاندارى قىزمەتكەرلەرىنىڭ قازاقستان ازاماتتارىنا ەلەكتروشوكەر قولدانعانى تۋرالى ۆيدەونى زەرتتەگەن.
"وزبەكستان قوعامى قۇقىق قورعاۋ ورگاندارىنىڭ بۇل ارەكەتىن سىناپ جاتىر. قالاي دەگەنمەن، ءبىز جاعدايدى باقىلاپ وتىرمىز", - دەپ مالىمدەدى ءسىم وكىلى.
ونىڭ ايتۋىنشا، سامارقان قۇقىق قورعاۋ ورگاندارىندا قىزمەتتىك تەكسەرىس باستالعان، تۋريستەرگە ەلەكتروشوكەر قولدانعان قىزمەتكەرلەر جۇمىستان شىعارىلعان.
21 مامىرعا قاراعان ءتۇنى سامارقاندا كۇزەت قىزمەتىنىڭ وكىلدەرى كورشى ەلدەن كەلگەن تۋريستەردىڭ كىم ەكەنىن انىقتاۋ كەزىندە ەلەكتروشوكەر قولدانعان.
وزبەكستان ىشكى ىستەر مينيسترلىگى زاڭ بۇزعان قىزمەتكەرلەر جاۋاپقا تارتىلاتىنىنمالىمدەدى. وزبەكستان اقپارات قۇرالدارىنىڭ جازۋىنشا، قازاقستاننان كەلگەن تۋريستەردىڭ بارلىعىندا قاجەت قۇجاتتار بولعان. سوعان قاراماستان پوليتسيا ولاردى ۇستاعان.
"ادىرنا" ۇلتتىق پورتالى
