بولجامدار ناقتى ساندارمەن راستالىپ، العاش رەت Hyundai-ءدىڭ ءاربىر مودەلى ءۇشىن 2022 جىلعا ارنالعان ءوندىرىس جوسپارى جاريالاندى.
ەكى ەل اراسىنداعى كەلىسسوزدەر 2020 جىلعى پاندەميا سالدارىنان، تاسىمالداۋشىلاردىڭ جەتىسپەۋشىلىگىنەن قيىنداعان. سونىمەن قاتار شىعىس ەۋروپاداعى وقيعالارعا بايلانىستى 2022 جىلى جاڭا دەڭگەيگە شىعىپ، ۇزاققا سوزىلعان داعدارىس اياسىندا ءوتتى. سونىڭ سالدارىنان كومپانيالارعا لوگيستيكالىق جەتكىزۋ تىزبەگىن تولىعىمەن وزگەرتۋگە جانە جاڭا سەرىكتەستەرمەن كەلىسىمشارتقا وتىرۋعا تۋرا كەلدى.
“تاۋەكەلدەردى ازايتۋ جانە ءبىر نەمەسە ەكى عانا باعىتتاعى جەتكىزۋ جولدارىنا تاۋەلدى بولماس ءۇشىن ءبىز Hyundai Motor Company-دىڭ باسقا زاۋىتتارىنان كومپونەنتتەردى جەتكىزۋ مۇمكىندىكتەرىن ىزدەي باستادىق. بالاما رەتىندە چەحيا، تۇركيا، قىتاي، ءۇندىستان سەكىلدى ەلدەردەگى Hyundai زاۋىتتارىندا وندىرىلەتىن كومپونەنتتەر قاراستىرىلدى ”، - دەپ ءتۇسىندىردى دەنيس كولوماتسكي.
ايتۋىنشا، بەلگىلى ءبىر ەل ءۇشىن تاسىمالداردى قايتا قاراۋ، لوگيستيكانى قايتا كونفيگۋراتسيالاۋ - بىرنەشە مەملەكەتتەر قاتىساتىن ءارى كوپ ەڭبەكتى قاجەت ەتەتىن پروتسەسس.
“بىرنەشە كۇن بۇرىن ءبىز قالاعان ناتيجەمىزگە قول جەتكىزدىك. شەتەلدىك سەرىكتەستەر بىزگە سەنىم ءبىلدىردى، ناتيجەسىندە جوسپارلارىن قايتا قاراپ، ءوز تۇتىنۋشىلارىمىزعا كوبىرەك اۆتوكولىكتەر شىعارۋ ءۇشىن قوسىمشا رەسۋرستاردى تارتتى”، - دەپ اتاپ ءوتتى Hyundai Auto Kazakhstan باسشىسى.
Hyundai Trans Kazakhstan زاۋىتى تولىق وندىرىستىك قۋات الدى. 2021 جىلى زاۋىت ايىنا ەكى مىڭعا جۋىق اۆتوكولىك شىعارسا، ەندى ولاردىڭ سانى ەكى ەسەگە ارتادى.
“2022 جىلدىڭ باسىنان قازىرگى ۋاقىتقا دەيىن ءبىز قازاقستاندىق نارىققا توعىز مىڭنان استام كولىك جەتكىزدىك. مامىر ايىنىڭ جوسپارىندا ەكى مىڭنان استام، ماۋسىمدا - ءۇش مىڭعا جۋىق، ال شىلدەدەن باستاپ Hyundai Trans Kazakhstan قازاقستان ءۇشىن اي سايىن ءتورت مىڭ اۆتوكولىك شىعاراتىن بولادى. بۇدان بىلاي ديلەرلەر كولىكتەردى كوبىرەك الادى، ال شىلدە-تامىز ايلارىندا دۇربەلەڭ سايابىرسيدى دەپ كۇتەمىز”، - دەپ قوستى دەنيس كولوماتسكي.
قوسىمشا باعىتتاردى اشۋ تۋرالى جاڭا كەلىسىمدەردىڭ ارقاسىندا ءاۆتووندىرۋشى سەنىمدىلىككە يە جانە ءوز قاتارىن كەڭەيتۋدى جالعاستىرۋدا.
ايتا كەتسەك، وسى جىلدىڭ اقپان ايىندا Hyundai Trans Kazakhstan زاۋىتى «Staria» مينيۆەنىن ىسكە قوسسا، ال ماۋسىم ايىندا SUV Hyundai Bayon جول تالعامايتىن كولىگى مەن Hyundai i30 جەڭىل اۆتوكولىگىن شىعارا باستايدى.
"ادىرنا" ۇلتتىق پورتالى
