Boljamdar naqty sandarmen rastalyp, alǵash ret Hyundai-diń árbir modeli úshin 2022 jylǵa arnalǵan óndiris jospary jarııalandy.
Eki el arasyndaǵy kelissózder 2020 jylǵy pandemııa saldarynan, tasymaldaýshylardyń jetispeýshiliginen qıyndaǵan. Sonymen qatar Shyǵys Eýropadaǵy oqıǵalarǵa baılanysty 2022 jyly jańa deńgeıge shyǵyp, uzaqqa sozylǵan daǵdarys aıasynda ótti. Sonyń saldarynan kompanııalarǵa logıstıkalyq jetkizý tizbegin tolyǵymen ózgertýge jáne jańa seriktestermen kelisimshartqa otyrýǵa týra keldi.
“Táýekelderdi azaıtý jáne bir nemese eki ǵana baǵyttaǵy jetkizý joldaryna táýeldi bolmas úshin biz Hyundai Motor Company-dyń basqa zaýyttarynan komponentterdi jetkizý múmkindikterin izdeı bastadyq. Balama retinde Chehııa, Túrkııa, Qytaı, Úndistan sekildi elderdegi Hyundai zaýyttarynda óndiriletin komponentter qarastyryldy ”, - dep túsindirdi Denıs Kolomakıı.
Aıtýynsha, belgili bir el úshin tasymaldardy qaıta qaraý, logıstıkany qaıta konfıgýraııalaý - birneshe memleketter qatysatyn ári kóp eńbekti qajet etetin proess.
“Birneshe kún buryn biz qalaǵan nátıjemizge qol jetkizdik. Sheteldik seriktester bizge senim bildirdi, nátıjesinde josparlaryn qaıta qarap, óz tutynýshylarymyzǵa kóbirek avtokólikter shyǵarý úshin qosymsha resýrstardy tartty”, - dep atap ótti Hyundai Auto Kazakhstan basshysy.
Hyundai Trans Kazakhstan zaýyty tolyq óndiristik qýat aldy. 2021 jyly zaýyt aıyna eki myńǵa jýyq avtokólik shyǵarsa, endi olardyń sany eki esege artady.
“2022 jyldyń basynan qazirgi ýaqytqa deıin biz qazaqstandyq naryqqa toǵyz myńnan astam kólik jetkizdik. Mamyr aıynyń josparynda eki myńnan astam, maýsymda - úsh myńǵa jýyq, al shildeden bastap Hyundai Trans Kazakhstan Qazaqstan úshin aı saıyn tórt myń avtokólik shyǵaratyn bolady. Budan bylaı dılerler kólikterdi kóbirek alady, al shilde-tamyz aılarynda dúrbeleń saıabyrsıdy dep kútemiz”, - dep qosty Denıs Kolomakıı.
Qosymsha baǵyttardy ashý týraly jańa kelisimderdiń arqasynda avtoóndirýshi senimdilikke ıe jáne óz qataryn keńeıtýdi jalǵastyrýda.
Aıta ketsek, osy jyldyń aqpan aıynda Hyundai Trans Kazakhstan zaýyty «Staria» mınıvenin iske qossa, al maýsym aıynda SUV Hyundai Bayon jol talǵamaıtyn kóligi men Hyundai i30 jeńil avtokóligin shyǵara bastaıdy.
"Adyrna" ulttyq portaly
