الماتىداعى جاپپاي تارتىپسىزدىكتەردى ۇيىمداستىرىپ، قاتىستى دەگەن كۇدىككە ىلىنگەن دەپۋتات، كاسىپكەر قايرات قۇدايبەرگەن جەلىدە ادىلدىكتى تالاپ ەتىپ حات جازدى، دەپ حابارلايدى "ادىرنا" ۇلتتىق پورتالى.
"مەن ومىردە كوپ اۋىر ءسوز ەستىدىم. "ومىردە ەشتەڭەگە قول جەتكىزە المايسىڭ!" دەدى مۇعالىم، ماعان ەشبىر سەزىمسىز: "سەن ءوتۋ باللىن جينامادىڭ..." دەدى ۇبت-داعى قابىلداۋ كوميسسياسىنىڭ مۇشەسى، ال ماعان 2008 جىلعى داعدارىستا مەنىڭ بانكيرىم ماعان: "سەن بانكروتسىڭ!", دەدى. "دوسىڭ ەندى ارامىزدا جوق", - دەدى ماعان جاقىن ادامنىڭ اناسى.
مەنىڭ ومىرىمدە مۇنداي سوزدەر كوپ بولدى. بىراق تۇتقىندالعانىمنىڭ 30-شى كۇنى تەرگەۋشىلەر قولىما كىسەن سالىپ الىپ بارا جاتقاندا، باسپالداقتىڭ جانىندا بىرەر ءسات كورگەن 5 جاسار ۇلىم قاسىمحاننان ەستىگەن سوزدەر مەن ءۇشىن ەڭ اۋىرى بولدى...
ونىڭ ءسوزى ءالى كۇنگە دەيىن قۇلاعىمدا جانە جۇرەگىمدە كۇننىڭ كۇركىرەۋى سياقتى ەستىلەدى: "اكە، مەن ءسىزدىڭ سىرتقى ءتۇرىڭىزدى ۇمىتىپ قالدىم. مەن سەنى كوپتەن بەرى كورمەدىم..." وسى كەزدە ىشىمدە بىردەڭە جارىلىپ كەتتى، بىراق سول كەزدە ءبىر نارسە كۇشەيە ءتۇستى.
ءبىزدىڭ مەملەكەتىمىزدە ورىن الاتىن ەڭ ۇيات نارسە، ول كىناسىز ادامدى تۇرمەگە جابۋدان باسقا، قىسىم كورسەتۋ ءۇشىن ونىڭ بالالارى مەن ايەلىمەن كەزدەسۋىنە رۇقسات بەرمەۋ. بىراق ول جاقتاعىلاردىڭ ءبارى ونداي ەمەس، اراسىندا ابىروي ويلايتىن ادامدار دا بار. بۇگىن ماعان كەرەگى تەك ادىلەتتىلىك!", — دەپ جازدى كاسىپكەر ءوز پاراقشاسىندا.
ءسوزىنىڭ ءسوزىندا ول: "2 ماۋسىمدا ۇلىم قاسىمحان 6 جاسقا تولادى. الايدا مىنا ادىلەتسىز جۇيەنىڭ كەسىرىنەن ونى كورۋىم دە، ءتىپتى قۇتتىقتاۋىم دا ەكىتالاي" - دەپ جازدى.
"ادىرنا" ۇلتتىق پورتالى.
