الماتى قالاسى ءماسليحاتىنىڭ دەپۋتاتى قايرات قۇدايبەرگەن قازاقستان حالقىنا ۇندەۋ جاسادى. جەلىدە قاڭتارداعى تارتىپسىزدىكتى ۇيىمداستىردى دەگەن كۇدىككە ىلىنگەن قۇدايبەرگەن ارمان جۇماگەلديەۆپەن بايلانىسىن جوققا شىعاراتىن حات تاراتۋدا.
«ايىپتاۋلاردىڭ ەشقايسىسى ءتىپتى 1% شىندىققا سايكەس كەلمەيدى. مەن ەشقاشان كريمينال اۆتوريتەت ارمان جۇماگەلديەۆپەن ەشقانداي بايلانىسىم جوق. مەن ونى العاش حالىقتى تاتۋلىققا شاقىرۋعا كەلگەن الاڭدا كوردىم»، – دەپ جازادى قۇدايبەرگەن.
Orda.kz سايتىنىڭ ساۋالىنا قايرات قۇدايبەرگەن دە ارمانمەن تانىس ەمەس ەكەنىن، بىراق ونىمەن الاڭدا كەزدەسىپ، جۇرتتى جۇباتۋ ءۇشىن ءوزى كەلگەنىن ايتتى. ەكەۋى دە سول جەردە بەينەكامەرالارعا ءتۇسىپ قالعان. ءماسليحات دەپۋتاتى ەندى جابايى ارمانمەن ارالاسپايتىنىن ايتتى.
ايتا كەتەيىك، ءساۋىردىڭ 22-ءسى كۇنى تاڭەرتەڭ قۇدايبەرگەن اعىمداعى جىلدىڭ قاڭتارىنداعى جاپپاي تارتىپسىزدىكتى ۇيىمداستىردى جانە وعان قاتىستى دەگەن كۇدىكپەن ۋاقىتشا ۇستاۋ يزولياتورىنا قامالدى. پروكۋراتۋرانىڭ مالىمەتىنشە، قۇدايبەرگەن جۇماگەلديەۆپەن (جابايى ارمان) بىرگە ادامداردى «قازاقستان» قوناقۇيىنە جيناعان. وندا جۇماگەلديەۆتىڭ توڭىرەگىنە توپتاسىپ، ونى قولداۋعا، بيلىككە ورتاق تالاپتار قويۋعا شاقىرعان.
“ادىرنا” ۇلتتىق پورتالى
