Qazaqstannyń Reseıdegi eks-Elshisi Imanǵalı Tasmaǵambetovtiń Qazaqstan golf federaııasynyń prezıdenti bolyp taǵaıyndalýyna qazaqstandyqtar narazylyq bildirdi. Jeli qoldanýshylary atalǵan golf-klýbtaryn kimniń jáne qandaı qarajatpen ashatynyna tańǵaldy, dep habarlaıdy "Adyrna" ulttyq portaly "Azattyq Rýhy" saıtyna silteme jasap.
18 mamyrda Qazaqstan golf federaııasynyń jańa prezıdenti bolyp Imanǵalı Tasmaǵambetov saılanǵany belgili boldy. Bul aqparat qazaqstandyqtardyń ashýyn keltirdi.
"Jaqynda Qazaqstan golf federaııasynyń basshysyn qaıta saılaý týraly aqparat tarady. Ony kim tańdady? Sol golfterin aıtpaı-aq, adamdardy ashýlandyrmasa jaqsy bolar edi. Olar ne aıtqysy keldi? Golf klýtaryn kim saldy, oǵan qarjyny qaıdan aldy? Bular elıta retinde kóringisi keledi, túptiń túbinde qaı jerden shyqqanyn umytyp ketti me? Olar jaqsy degen kýrorttyq oryndardy tartyp aldy, ne bolmasa bireýdiń aqshasyna saldy. Tipti sol klýb memlekettiki bolýy da ábden múmkin, áıteýir óz kúshterimen salmaǵany anyq. Bul golf klýbtarynyń jeri men múlkiniń ıesi kim? Eger memleket bolsa, onda barlyq adamdarǵa arzan baǵamen qoljetimdilikti qamtamasyz etsin. Al eger jeke adam ashsa, onyń mundaı oryndy qalaı alǵanyn tekserý kerek emes pe? Aıtpaqshy, Qazaqstan Respýblıkasynyń jer kadastrynyń saıtynda ýchınsk mańyndaǵy golf klýby jeriniń menshik quqyǵy joq. Muny qalaı túsinýge bolady?", - dep jazdy feısbýkte Rústem Janseıitov.
Jelide kommentatorlardyń kópshiligi onyń sózin qoldady.
"Qarapaıym halyq ta oınaǵysy keledi. Barlyǵy bizdiń aqshaǵa salynǵan", "Kelisemin. Aqyryndap bular ózderiniń "elıta" ekenderin kórsetip jatyr. Halyq esebinen elıtaǵa arnalǵan nysandar salýdy toqtatý kerek", "Munyń bıýdjetpen baılanysy bar ma, salyqtar tolyq tólenip jatyr ma, sony bilý kerek" — delingen pikirlerde.
"Adyrna" ulttyq portaly.
