ءبىر كۇن بۇرىن شىمكەنتتە بولعان جارىلىستان زارداپ شەككەندەر ءالى دارىگەرلەردىڭ باقىلاۋىندا، دەپ حابارلايدى "ادىرنا" ۇلتتىق پورتالى "Zakon.kz"-كە سىلتەمە جاساپ.
وبلىستىق دەنساۋلىق ساقتاۋ باسقارماسى حابارلاعانداي، جارىلىس سالدارىنان ءۇش ادام قازا تاپتى: 1979 جىلى تۋعان كۇزەتشى، 1980 جىلى تۋعان قۇرىلىس كومپانياسىنىڭ جۇمىسشىسى جانە ءبىر جاڭا تۋعان نارەستە.
ناقتىراق ايتساق، قايتىس بولعان ءسابي ۇشەمنىڭ ءبىرى ەكەن. ءبىرىنشى بالا جارىلىس الدىندا، ەكىنشىسى جارىلىس كەزىندە قايتىس بولدى. ولاردىڭ تۋعانىنا 18 كۇن بولعان، شەتىنەگە نارەستەنىڭ سالماعى - نەبارى 790 گرامم.
سونداي-اق توتەنشە جاعداي سالدارىنان بارلىعى سەگىز ادام زارداپ شەكتى: بەسەۋى پەريناتالدىق ورتالىقتىڭ قىزمەتكەرى بولسا، ەكەۋى — ينتەرنەت جەلىسىن جۇرگىزۋمەن اينالىسقان جۇمىسشى، بىرەۋى — سول جەردە كوز جۇمعان قىزمەتكەر.
بوسانعان ايەلدەرگە فيزيكالىق زاقىم كەلمەگەن، دەگەنمەن ولار شوك العان، ايەلدەرگە پسيحولوگيالىق كومەك كورسەتىلۋدە.
بۇگىنگى كۇنى عيماراتقا ەشكىمدى كىرگىزبەيدى جانە ەشكىم اۋرۋحاناعا جاتقىزىلمايدى. قازىرگى ۋاقىتتا بوسانعان ايەلدەر باسقا اۋرۋحانالارعا ورنالاستىرىلعان. تەرگەۋ اياقتالعان سوڭ پەرزەنتحانا ءوز جۇمىسىن باستايدى.
ايتا كەتۋ كەرەك، زارداپ شەككەن ونداعان ادامنىڭ بارلىعى دا سوققى تولقىنىنان جاراقات الىپ، ميى شايقالعان.
"ادىرنا" ۇلتتىق پورتالى.
