Bir kún buryn Shymkentte bolǵan jarylystan zardap shekkender áli dárigerlerdiń baqylaýynda, dep habarlaıdy "Adyrna" ulttyq portaly "Zakon.kz"-ke silteme jasap.
Oblystyq densaýlyq saqtaý basqarmasy habarlaǵandaı, jarylys saldarynan úsh adam qaza tapty: 1979 jyly týǵan kúzetshi, 1980 jyly týǵan qurylys kompanııasynyń jumysshysy jáne bir jańa týǵan náreste.
Naqtyraq aıtsaq, qaıtys bolǵan sábı úshemniń biri eken. Birinshi bala jarylys aldynda, ekinshisi jarylys kezinde qaıtys boldy. Olardyń týǵanyna 18 kún bolǵan, shetinege náresteniń salmaǵy - nebári 790 gramm.
Sondaı-aq tótenshe jaǵdaı saldarynan barlyǵy segiz adam zardap shekti: beseýi perınataldyq ortalyqtyń qyzmetkeri bolsa, ekeýi — ınternet jelisin júrgizýmen aınalysqan jumysshy, bireýi — sol jerde kóz jumǵan qyzmetker.
Bosanǵan áıelderge fızıkalyq zaqym kelmegen, degenmen olar shok alǵan, áıelderge psıhologııalyq kómek kórsetilýde.
Búgingi kúni ǵımaratqa eshkimdi kirgizbeıdi jáne eshkim aýrýhanaǵa jatqyzylmaıdy. Qazirgi ýaqytta bosanǵan áıelder basqa aýrýhanalarǵa ornalastyrylǵan. Tergeý aıaqtalǵan soń perzenthana óz jumysyn bastaıdy.
Aıta ketý kerek, zardap shekken ondaǵan adamnyń barlyǵy da soqqy tolqynynan jaraqat alyp, mıy shaıqalǵan.
"Adyrna" ulttyq portaly.
