Bır kün būryn Şymkentte bolǧan jarylystan zardap şekkender älı därıgerlerdıŋ baqylauynda, dep habarlaidy "Adyrna" ūlttyq portaly "Zakon.kz"-ke sılteme jasap.
Oblystyq densaulyq saqtau basqarmasy habarlaǧandai, jarylys saldarynan üş adam qaza tapty: 1979 jyly tuǧan küzetşı, 1980 jyly tuǧan qūrylys kompaniiasynyŋ jūmysşysy jäne bır jaŋa tuǧan näreste.
Naqtyraq aitsaq, qaitys bolǧan säbi üşemnıŋ bırı eken. Bırınşı bala jarylys aldynda, ekınşısı jarylys kezınde qaitys boldy. Olardyŋ tuǧanyna 18 kün bolǧan, şetınege närestenıŋ salmaǧy - nebärı 790 gramm.Sondai-aq tötenşe jaǧdai saldarynan barlyǧy segız adam zardap şektı: beseuı perinataldyq ortalyqtyŋ qyzmetkerı bolsa, ekeuı — internet jelısın jürgızumen ainalysqan jūmysşy, bıreuı — sol jerde köz jūmǧan qyzmetker.
Bosanǧan äielderge fizikalyq zaqym kelmegen, degenmen olar şok alǧan, äielderge psihologiialyq kömek körsetılude.Bügıngı künı ǧimaratqa eşkımdı kırgızbeidı jäne eşkım auruhanaǧa jatqyzylmaidy. Qazırgı uaqytta bosanǧan äielder basqa auruhanalarǧa ornalastyrylǧan. Tergeu aiaqtalǧan soŋ perzenthana öz jūmysyn bastaidy. Aita ketu kerek, zardap şekken ondaǧan adamnyŋ barlyǧy da soqqy tolqynynan jaraqat alyp, miy şaiqalǧan.
"Adyrna" ūlttyq portaly.
