"Lada.kz" سايتىنىڭ جازۋىنشا، بەينەۋ اۋىلىنىڭ تۇرعىنى تالعات ايتمۇحانوۆقا مامىر ايىنىڭ باسىندا اسكەرگە شاقىرتۋ كەلىپتى. مەرەكەدەن كەيىن ول اسكەري كوميسسارياتقا بارىپ، وزىنە ۋاقىت بەرۋدى سۇرايدى، ويتكەنى مەديتسينالىق كوميسسيادان ءوتىپ ۇلگەرمەگەن. الايدا اسكەريلەر ونى بىردەن اۋرۋحاناعا الىپ كەتىپ، تەكسەرۋدەن كەيىن سول كۇنى №25744 اسكەري بولىمىنە اسكەري مىندەتىن وتەۋگە جىبەرەدى. شاقىرۋدان كەيىن ءبىر اپتا وتكەن سوڭ تالعاتتى ۇيىنە كەرى قايتارعان.
"ول ەشكىمدى تانىمايدى. قايدا، نە ىستەپ جاتقانىن بىلمەيدى. اكەسىن دە تانىمادى. الدىندا تۇرعان ادام سارباز با، تۋعان ادامى ما، وعان ءبارىبىر. بىراق ءوزىنىڭ اتى-ءجونى مەن جاسىن بىلەدى، بىراق ءۇي-ءىشى مەن وتباسىن تانىمايدى", — دەيدى ساربازدىڭ تۋىسى قايرات ناسيباەۆ.
№25744 اسكەري ءبولىمى كومانديرىنىڭ تاربيە جۇمىسى جونىندەگى ورىنباسارى رەنات ءشارىپوۆ 11 مامىردا تالعات شاقىرۋ پۋنكتىنە كەلگەنىن، تۋىستارىنا ونىڭ قانداي ورىنعا جىبەرىلگەنى تۋرالى حاباردار ەتىلگەنىن جەتكىزدى.
"مەديتسينالىق تەكسەرۋدەن ءساتتى ءوتتى، دەنساۋلىق جاعدايىنا شاعىم بىلدىرمەدى" — دەيدى ول.
"ادىرنا" ۇلتتىق پورتالى.