Soŋǧy kezde äskerge attanǧandar arasynda keleŋsız jaǧdailar bolyp jatyr. Būl joly Maŋǧystau oblysynda äsker qataryna alynǧan jas sarbaz bır aptadan soŋ üiıne oraldy, dep habarlaidy "Adyrna" ūlttyq portaly.
"Lada.kz" saitynyŋ jazuynşa, Beineu auylynyŋ tūrǧyny Talǧat Aitmūhanovqa mamyr aiynyŋ basynda äskerge şaqyrtu kelıptı. Merekeden keiın ol äskeri komissariatqa baryp, özıne uaqyt berudı sūraidy, öitkenı medisinalyq komissiiadan ötıp ülgermegen. Alaida äskeriler ony bırden auruhanaǧa alyp ketıp, tekseruden keiın sol künı №25744 äskeri bölımıne äskeri mındetın öteuge jıberedı. Şaqyrudan keiın bır apta ötken soŋ Talǧatty üiıne kerı qaitarǧan.
"Ol eşkımdı tanymaidy. Qaida, ne ıstep jatqanyn bılmeidı. Äkesın de tanymady. Aldynda tūrǧan adam sarbaz ba, tuǧan adamy ma, oǧan bärıbır. Bıraq özınıŋ aty-jönı men jasyn bıledı, bıraq üi-ışı men otbasyn tanymaidy", — deidı sarbazdyŋ tuysy Qairat Nasibaev.
Tomografiia zertteuı būl oqiǧadan keiın sarbazdan eşqandai auytqulardy anyqtaǧan joq. Denesınde de ūryp-soǧu belgılerı de anyqtalmaǧan.
№25744 äskeri bölımı komandirınıŋ tärbie jūmysy jönındegı orynbasary Renat Şärıpov 11 mamyrda Talǧat şaqyru punktıne kelgenın, tuystaryna onyŋ qandai orynǧa jıberılgenı turaly habardar etılgenın jetkızdı."Medisinalyq tekseruden sättı öttı, densaulyq jaǧdaiyna şaǧym bıldırmedı" — deidı ol.
"Adyrna" ūlttyq portaly.
Ūqsas jaŋalyqtar
