ۋتيلالىم: مولشەرلەمە تومەندەتىلدى

2854
Adyrna.kz Telegram
فوتو: اشىق دەرەككوز
فوتو: اشىق دەرەككوز

23 مامىردان باستاپ قازاقستاندىقتار ۋتيلالىمى تولەنبەگەن كولىكتەرىن تومەندەتىلگەن مولشەرلەمەمەن تىركەي الادى، دەپ حابارلايدى "ادىرنا" ۇلتتىق پورتالى "Tengrinews.kz"-كە سىلتەمە جاساپ.

بۇعان دەيىن ۋتيلالىم شەتەلدىك كولىك ەلگە كىرگەن ۋاقىتىنان باستاپ ەسەپتەلەتىن ەدى. ۋتيلالىمعا بايلانىستى ەكولوگيا، گەولوگيا جانە تابيعي رەسۋرستار مينيسترلىگى وسىنداي مالىمدەمە جاسادى.

مينيسترلىكتىڭ رەسمي وكىلى بەركىنباەۆتىڭ سوزىنشە، 2022 جىلدىڭ 14 مامىرىنا دەيىن قازاقستان اۋماعىنا كىرگەن كولىكتەردىڭ بۇعان دەيىن ۋتيلالىمى تولەنبەگەن بولسا، 23 مامىردان باستاپ جاڭا تومەندەتىلگەن مولشەرلەمەمەن تولەۋگە بولادى. ول ءۇشىن تەك ءتيىستى مەكەمەگە ءوتىنىش جازۋ كەرەك.

"ەندى ەلگە كىرگەن كولىكتەردىڭ ۋتيلالىمى كىرگەن ۋاقىتىنا ەمەس، ۋتيلالىمعا ءوتىنىم بەرگەن كۇننەن باستاپ ەسەپتەلەتىن بولدى" – دەدى قر ەگترم قوعاممەن بايلانىس دەپارتامەنتىنىڭ ديرەكتورى ولجاس بەركىنباەۆ.

ەكولوگيا، گەولوگيا جانە تابيعي رەسۋرستار مينيسترلىگى كادەگە جاراتۋ تولەمىن ەسەپتەۋ ادىستەمەسىنە وزگەرىستەر ەنگىزگەن ەدى. 14 مامىردان باستاپ قازاقستاندا ۋتيلالىمنىڭ جاڭا تومەندەتىلگەن مولشەرلەمەسى كۇشىنە ەنگەن. بۇرىنعى ۋتيلالىم مولشەرلەمەسى بىردەن 50 پايىزعا تومەندەدى.

"ادىرنا" ۇلتتىق پورتالى.

 

پىكىرلەر