رەسپۋبليكانىڭ ارداگەرلەر ۇيىمى بۇكىلحالىقتىق رەفەرەندۋمعا قولداۋ ءبىلدىرىپ ۇندەۋ قابىلدادى

2463
Adyrna.kz Telegram

2022 جىلعى 20 مامىردا ساعات 11-دە نۇر-سۇلتان قالاسى اكىمدىگىنىڭ كىشى زالىندا "ارداگەرلەر ۇيىمى"رەسپۋبليكالىق قوعامدىق بىرلەستىگىنىڭ كەزەكتەن تىس ءىح سەزى ءوتتى، دەپ حابارلايدى "ادىرنا" ۇلتتىق پورتالى.

سەزدگە  رەسپۋبليكانىڭ بارلىق 17 وڭىرىنەن دەلەگاتتار، زيالى قاۋىم وكىلدەرى، ارداگەرلەر مەن شاقىرىلعان قوناقتار ونلاين رەجيمدە جانە  سەزد جۇمىسىنىڭ قۇرمەتتى قوناقتارى رەسپۋبليكالىق رەفەرەندۋمدى قوعامدىق قولداۋ شتابىنىڭ باسشىسى تولەۋبەك تولەۋۇلى مۇقاشەۆ جانە مەملەكەت جانە قوعام قايراتكەرى، جابال ەرعاليۇلى ەرعاليەۆ قاتىستى.


قر پارلامەنتىنىڭ ءماجىلىسى توراعاسى باقتىقوجا ىزمۇحامبەتوۆ 19  مامىر كۇنى قازاقستان رەسرپۋبليكاسىنىڭ پرەزيدەنتى قاسىم-جومارت كەمەلۇلى توقاەۆتىڭ قابىلداۋىندا بولعانىن وتە جىلى قابىلداۋ بولعانىن ايتىپ، پرەزيدەنتكە ارداگەرلەردىڭ جۇمىسى تۋرالى جانە     رەفەرەندۋم بويىنشا ەكى باعىتتا جۇمىس جاساپ جاتقانىن، ءبىرىنشى كونستيتۋتسياعا وزگەرىس ەنگىزۋدىڭ ماڭىزدىلىعى تۋرالى، ەكىنشى ارداگەرلەر تۇرعىندارعا رەفەرەندۋمنىڭ ءمانىن ءتۇسىندىرىپ قاتىسۋعا بەلسەندىلىك كورسەتۋگا شاقىرىپ جۇمىس جاسالىپ  جاتقانى تۋرالى ايتتى.

پرەزيدەنت ءوز تاراپىنان قوعامدىق جۇمىستاردى ەل ارداگەرلەرىنىڭ بەلسەندىلىك كۇتەتىنىن جەتكىزدى. ەل ارداگەرلەرى ەلىمىزدىڭ تۇراقتىلىعى، تىنىشتىعى ءۇشىن، مەملەكەت باسشىسىنىڭ باستاماسىنا ارقاشان قولداۋ كورسەتەتىنىن رەفەرەندۋمدى قولداۋ ءۇشىن رەسپۋبليكالىق شتاب قۇرىلعانىن ايتىپ ءوتتى.

"ورتالىق كەڭەستە بارلىق 17 وڭىردەگى فيليالدار توراعالارىنىڭ ۇيىمداستىرۋىمەن رەفەرەندۋمدى قوعامدىق قولداۋ شتابتارى قۇرىلىپ جۇمىس ىستەپ جاتىر دەدى. ولاردىڭ قاتارىنا جەرگىلىكتى وڭىرگە تانىمال، مەملەكەت جانە  قوعام قايراتكەرلەرى، ەلگە  سىيلى ارداگەرلەر جۇمىلدىرىلدى. شتاب قۇرامىنداعى ارداگەرلەر كونستيتۋتسيالىق رەفورمالاردىڭ نەگىزگى ەرەجەلەرىن تۇرعىندارعا كەڭىنەن تۇسىندىرۋمەن اينالىساتىنىن. بۇل- جۇمىستار ەلىمىزدىڭ بارلىق ءوڭىرى بويىنشا جۇرگىزىلىپ جاتىر",-  دەدى باقتىقوجا ىزمۇحامبەتوۆ.

سونىمەن قاتار،  ورتالىق كەڭەستە شتاب جۇمىسىن ۇيىمداستىرۋعا قولايلى بولۋ ءۇشىن ازىرلەنگەن نۇسقاۋلىق پەن ءىس-شارالار جوسپارى، وندا شتاب مۇشەلەرى اتقاراتىن جۇمىستار  ناقتى بەكىتىلگەنىن ايتىپ ءوتتى.

ءسوزىنىڭ سوڭىندا ب.ىزمۇحامبەتوۆ  ارداگەرلەرىمىز «اتا زاڭىمىزعا» ەنگىزىلەتىن وزگەرىستەر مەن تولىقتىرۋلاردىڭ ماڭىزدىلىعىن تۇسىندىرۋدە بەلسەندىلىك كورسەتىپ، 5 ماۋسىمدا وتەتىن بۇكىلحالىقتىق رەفەرەندۋمعا قاتىسىپ ءوز تاڭداۋىن جاساۋعا حالىقتى شاقىرۋى كەرەك دەدى.

جازۋشى، جۋرناليست جابال ەرعاليەۆ ءوز سوزىندە بيلىك باسىنا كەلگەن ەكىنشى پرەزيدەنتىمىز قاسىم-جومارت توقاەۆ ادىلەتتى قوعام ورناتۋ يدەياسىن ورتاعا تاستاعانىن، كونستيتۋتسياعا وزگەرىستەر ەنگىزۋ جونىندە رەفەرەندۋم وتكىزۋدى ۇسىنعان قاسىم-جومارت توقاەۆ قازاقستاندىق قوعامدى الاڭداتىپ، سان الۋان پىكىرلەر توعىسىپ جاتقان الاڭعا ورىندى باستامامەن شىققانىن ايتتى. ارداگەرلەردىڭ كەزەكتەن تىس IX سەزىندە رەسپۋبليكا كونستيتۋتسياسىنا ۇسىنىلعان تۇزەتۋلەردى ەنگىزۋ تۋرالى قازاقستان رەسپۋبليكاسى پرەزيدەنتىنىڭ باستاماسىنا وراي، رەفەرەندۋم اياسىندا جالپىحالىقتىق داۋىس بەرۋدىڭ ماڭىزدىلىعى ايتىلدى.

"ادىرنا" ۇلتتىق پورتالى

پىكىرلەر