قازاقستان الەۋمەتتانۋشىلارى قاۋىمداستىعىنىڭ مۇشەلەرى فيلوسوفيا، ساياساتتانۋ جانە ءدىنتانۋ ينستيتۋتىنىڭ عالىمدارىمەن بىرلەسىپ، "جاڭا قازاقستان: كونستيتۋتسيالىق رەفورمالار جانە الەۋمەتتىك دامۋ مودەلىن ترانسفورماتسيالاۋ" تاقىرىبى نەگىزىندە كونستيتۋتسيالىق رەفورمالار ماسەلەلەرى بويىنشا رەسپۋبليكالىق عىلىمي-پراكتيكالىق كونفەرەنتسيا وتكىزدى.
باسقوسۋدا جەتەكشى عالىمدار مەن وتاندىق ساراپشىلار الداعى كونستيتۋتسيالىق وزگەرىستەردى باعالاي وتىرىپ، جەمىستى پىكىر الماسىپ، كوپتەگەن وتانداستاردى تولعاندىراتىن كونستيتۋتسيالىق رەفورمانىڭ وزەكتى ماسەلەلەرىنە جانە جاڭا قازاقستاننىڭ ساياسي-قۇقىقتىق اسپەكتىلەرىنە قاتىستى ۇسىنىستار جاسادى. سونىمەن قاتار، عىلىمي-پراكتيكالىق كونفەرەنتسياعا قاتىسۋشىلار ۇيىمداستىرۋشىلىق مىندەتتەردى انىقتاپ، سوتسيولوگيالىق ۇيىمداردىڭ كەلەشەككە ارنالعان ماقساتتارىن وزەكتەندىردى.
كونفەرەنتسيا مودەراتورى - قازاقستان الەۋمەتتانۋشىلارى قاۋىمداستىعىنىڭ ۆيتسە-پرەزيدەنتى، فيلوسوفيا، ساياساتتانۋ جانە ءدىنتانۋ ينستيتۋتىنىڭ باس ديرەكتورى، قر ۇعا اكادەميگى، Amanat پارتياسى الماتى قالالىق شتابىنىڭ مۇشەسى سەرىك سەيدۋمانوۆ قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ بويىنشا رەفەرەندۋم وتكىزۋدى قولدايتىنىن جەتكىزدى.
كونفەرەنتسيادا قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى ا. ع. بالاەۆانىڭ جانە قازاقستان الەۋمەتتانۋشىلارى قاۋىمداستىعىنىڭ پرەزيدەنتى، قازاقستان رەسپۋبليكاسىنىڭ چەح رەسپۋبليكاسىنداعى توتەنشە جانە وكىلەتتى ەلشىسى م. م. ءتاجيننىڭ قۇتتىقتاۋ سوزدەرى تىڭدالدى.
س.سەيدۋمانوۆ قۇتتىقتاۋ سوزىندە پرەزيدەنت ق. ك. توقاەۆ قويعان ماقساتتارعا قول جەتكىزۋدىڭ ساياسي-قۇقىقتىق نەگىزى حالىقتىڭ زاڭدى ەرىك ءبىلدىرۋى جولىمەن ءتيىستى تۇردە رەسىمدەلگەن كونستيتۋتسيالىق رەفورمالار بولىپ تابىلاتىنىن اتاپ ءوتتى. ونىڭ پىكىرىنشە، بۇل وقيعا ەلدەگى جاڭا "ساياسي ماۋسىمنىڭ" كۇن ءتارتىبىن قالىپتاستىرىپ قانا قويماي، قازىرگى زامانعى مەملەكەتتىلىكتىڭ جاڭا كوكجيەكتەرى مەن پەرسپەكتيۆالارىن اشا وتىرىپ، قازاقستاننىڭ جاڭا تاريحىنىڭ كەزەكتى كەزەڭىن بەينەلەيدى.
كونفەرەنتسيا جۇمىسىنا ساراپشىلار رەتىندە قازاقستاننىڭ ساياسي عىلىمدار قاۋىمداستىعىنىڭ پرەزيدەنتى ە.ك. الياروۆ، قازاقستان فيلوسوفتارى كونگرەسىنىڭ وكىلدەرى قاتىستى.
سونداي-اق كونفەرەنتسيا بارىسىندا قازۇۋ الەۋمەتتانۋ جانە الەۋمەتتىك جۇمىس كافەدراسىنىڭ پروفەسسورى، ءال-فارابي، الەۋمەتتانۋ عىلىمدارىنىڭ دوكتورى م.سادىروۆا، قر بعم عىلىم كوميتەتىنىڭ فيلوسوفيا، ساياساتتانۋ جانە ءدىنتانۋ ينستيتۋتىنىڭ باس عىلىمي قىزمەتكەرى، فيلوسوفيا عىلىمدارىنىڭ دوكتورى م.بۋروۆا، "Paperlab"زەرتتەۋ ورتالىعىنىڭ ديرەكتورى س.بيسەمباەۆتار ءسوز سويلەدى.
ءسوز سويلەۋشىلەر قازاقستان الەۋمەتتانۋشىلارى قاۋىمداستىعىنىڭ تالاپ ەتىلەتىن قىزمەتى كاسىبي ساراپتامالىق قوعامداستىقتى شوعىرلاندىرۋعا جانە ۇلتتىق قۇرىلىس مۇددەسىندە سوتسيولوگيالىق ءبىلىمدى دامىتۋعا باعىتتالعانىن اتاپ ءوتتى. قازاقستان الەۋمەتتانۋشىلارى جۇمىسىنىڭ نەگىزگى باعىتى جاڭا قازاقستانداعى رەفورمالاردى عىلىمي-تالدامالىق سۇيەمەلدەۋگە ساراپشىلىق قوعامداستىقتىڭ ۇلەسىن كۇشەيتۋ بولىپ تابىلادى. اسك پلاتفورماسىندا 7 ۇلتتىق الەۋمەتتىك كونگرەسس، تۇركىتىلدەس الەم الەۋمەتتانۋشىلارىنىڭ ەكى كونگرەسى، ەل دامۋىنىڭ الەۋمەتتىك-ساياسي جانە حالىقارالىق كۇن ءتارتىبى سالاسىندا ساراپتامالىق پىكىر الماسۋعا ارنالعان بىرەگەي الاڭ بولىپ تابىلاتىن وننان استام حالىقارالىق كونفەرەنتسيا وتكىزىلدى. ەلارالىق عىلىمي جۋرنال شىعارىلادى، جاس الەۋمەتتانۋشىلاردىڭ فورۋمى قۇرىلدى.
پرەزيدەنت ق.ك. توقاەۆتىڭ 2022 جىلعى 16 ناۋرىزداعى قازاقستان حالقىنا جولداۋىنىڭ تاريحي ماڭىزدىلىعى اتاپ ءوتىلدى، ول ەلدەگى قارقىندى الەۋمەتتىك-ساياسي وزگەرىستەرگە باستاما بەردى. كونفەرەنتسياعا قاتىسۋشىلار جاڭا قازاقستان مەن ەكىنشى رەسپۋبليكانى قۇرۋدىڭ جاسامپازدىق پروتسەسىنە بەلسەندى قاتىسۋعا شەشىم قابىلدادى. كونفەرەنتسيا سپيكەرلەرى اعىمداعى جىلعى 5 ماۋسىمداعى كونستيتۋتسيا بويىنشا الداعى جالپىحالىقتىق رەفەرەندۋمنىڭ الەۋمەتتىك بولجامدارىنا كەيبىر ۇزىندىلەر ۇسىندى.
كونفەرەنتسيا سوڭىندا "قازاقستان الەۋمەتتانۋى" ەنتسيكلوپەديالىق باسىلىمىنىڭ تۇساۋكەسەر ءراسىمى جانە اقك مۇشەلەرىن ماراپاتتاۋ ءراسىمى ۇيىمداستىرىلدى.
"ادىرنا" ۇلتتىق پورتالى
