ورالدا سوتتالعاندار توبەلەسىنەن كەيىن قىزمەتكەرلەر جازالاندى

2237
Adyrna.kz Telegram
فوتو: azattyq-ruhy.kz
فوتو: azattyq-ruhy.kz

ورالدا جازاسىن وتەۋشىلەردىڭ جاپپاي توبەلەسىنەن كەيىن كولونيانىڭ 12 قىزمەتكەرى جازالاندى، دەپ حابارلايدى "ادىرنا" ۇلتتىق پورتالى "mgorod.kz"-كە سىلتەمە جاساپ.

وقيعا 10 مامىردا تاڭعى ساعات 05:00 شاماسىندا رۋ-170/2 ورتاشا قاۋىپسىز قىلمىستىق-تۇزەتۋ جۇيەسى مەكەمەسىندە بولعان. سوتتالعاندار اراسىندا جاپپاي توبەلەس شىققان، سالدارىنان 10 ادام ءتۇرلى دارەجەدە جاراقات العان.

بقو قاجد ءباسپاسوز قىزمەتى وكىلى توبەلەس كەزىندە سوتتالعاندار قولدا بار قۇرالداردى پايدالانعانىن، پىشاقتار مەن قايراۋ تاپپاعانىن ايتتى.

وسى دەرەك بويىنشا قىزمەتتىك تەرگەۋ تاعايىندالىپ، قورىتىندىسى بويىنشا مەكەمەنىڭ 12 قىزمەتكەرى تارتىپتىك جاۋاپكەرشىلىككە تارتىلعان.

"1 ادام قىزمەتىنەن شەتتەتىلدى، 3 ادام قىزمەتىن دۇرىس اتقارماعانى ءۇشىن ەسكەرتۋ الدى، 4 قىزمەتكەرگە قاتاڭ سوگىس جاريالاندى، 3 ادام سوگىس الدى جانە 1 ادام ەسكەرتۋ الدى", - دەدى بقو بويىنشا قاجد ءباسپاسوز قىزمەتى وكىلى.

ايتا كەتەيىك، پوليتسەيلەر توبەلەسكە قاتىسۋشىلارعا قاتىستى قر قك-ءنىڭ 107-بابى "دەنساۋلىققا قاساقانا اۋىرلىعى ورتاشا زيان كەلتىرۋ" بويىنشا سوتالدى تەرگەۋ جۇرگىزىپ جاتىر. ولار ۇرلىق، توناۋ جانە دەنساۋلىققا زيان كەلتىرۋ سياقتى قىلمىستار ءۇشىن جازاسىن وتەپ جاتىر.

 

"ادىرنا" ۇلتتىق پورتالى.

 

پىكىرلەر