يمانعالي تاسماعامبەتوۆ قازاقستان گولف فەدەراتسياسىنىڭ پرەزيدەنتى بولىپ تاعايىندالدى. بۇل تۋرالى كادرلىق اۋىسۋلار بويىنشا ينسايلەر ەربول ءادىلوۆ جازدى، دەپ حابارلايدى «ادىرنا» ۇلتتىق پورتالى.
يمانعالي تاسماعامبەتوۆ 1956 جىلى دۇنيەگە كەلگەن. ەلىمىزدەگى ەڭ جوعارعى ساياسي قىزمەتتەردى اتقاردى. قازاقستان ۇكىمەتىن باسقاردى. الماتى مەن استانا قالالارى جانە اتىراۋ وبلىسىنىڭ اكىمى بولدى. پرەزيدەنت اكىمشىلىگىنە جەتەكشىلىك ەتتى. قورعانىس مينيسترلىگىنىڭ دە تىزگىنىن ۇستاعان. سوڭعى قىزمەتى – قازاقستاننىڭ رەسەيدەگى توتەنشە جانە وكىلەتتى ەلشىسى. ول بۇل قىزمەتتەن 2019 جىلدىڭ 18 جەلتوقسانىندا كەتىپ، زەينەتكە شىقتى.
«ادىرنا» ۇلتتىق پورتالى
