17 مامىردا «اسسامبلەيا جاستارى» رەسپۋبليكالىق قوعامدىق بىرلەستىگى جاستارىنىڭ باستاماسىمەن رەفەرەندۋمدى قولداۋ جونىندەگى رەسپۋبليكالىق قوعامدىق شتابىنىڭ قىزمەتى اياسىندا مەملەكەت باسشىسىنىڭ كونستيتۋتسيالىق رەفورمالارىنا ارنالعان پىكىرتالاس الاڭى ءوتتى.
شارانى رەفەرەندۋمدى قولداۋ رەسپۋبليكالىققولداۋ شتابىنىڭ جەتەكشىسى تولەۋبەك مۇقاشەۆ اشىپ، رەفەرەندۋمعا قاتىسۋ – جاستاردىڭ جاڭا قوعام قۇرۋعا ات سالىسۋى ءۇشىن بەرىلگەن مۇمكىندىك ەكەنىن اتاپ ءوتتى.
ءىس-شاراعا رەسپۋبليكالىق قوعامدىق شتاب مۇشەلەرى«اسسامبلەيا جاستارى» رجۇ توراعاسى ت.دجۋمۋرباەۆ جانە «ۇلتتىق ۆولونتەرلىك جەلى» زتب اتقارۋشى ديرەكتورى ت.ميرونيۋك، وبلىستىق جانە قالالىق ءماسليحاتتاردىڭ جاس دەپۋتاتتارى، وبلىستىق باسقارما باسشىلارى سونداي-اق، جاستار ۇيىمدارىنىڭ جەتەكشىلەرى مەن وكىلدەرى قاتىستى.
– جاڭا قازاقستان يدەياسى قوعامنىڭ ۇمتىلىسىنا جاقىن، ءار ءتۇرلى ساناتتاعى ازاماتتار العا قويعان زاماناۋي تالاپتارعا جاۋاپ بەرەدى. بۇل، ەڭ الدىمەن، «جاڭا قازاقستاننىڭ» ادىلەتتىلىك پەن ءوزارا سىيلاستىق قاعيداتتارى تۋرالى ەكەندىگىنە بايلانىستى، - دەيدى «اسسامبلەيا جاستارى» جاستار ۇيىمىنىڭ جەتەكشىسى تيمۋر دجۋمۋرباەۆ.
تالقىلاۋ اياسىندا جاستار كوشباسشىلارى رەفەرەندۋمدى وتكىزۋگە قاتىستى جانە كونستيتۋتسيالىق رەفورما تۋرالى ءوز ويلارىن ورتاعا سالدى. قازاقستان جاستارى، ازاماتتىق قوعامنىڭ بەلسەندى بولىگى رەتىندە جاڭا قازاقستان يدەياسىن جۇزەگە اسىراتىن مۇمكىندىكتەردى اشاتىن مەملەكەتتىڭ قوعامدىق-ساياسي جۇيەسىندەگى وزەكتى وزگەرىستەردى تالقىلادى.
