الماتى وبلىسىنىڭ پوليتسەيلەرى زيراتتاردى قيراتىپ جۇرگەن 34 جاستاعى ەر ادامدى ۇستادى، دەپ حابارلايدى «ادىرنا» ءتىلشىسى.
14 مامىردا قاراتال اۋداندىق پوليتسياسىنا كىشىتوبە اۋىلىنىڭ ماڭىنداعى زيراتقا بۇزاقىلىق ارەكەتى جاسالعانى تۋرالى اقپارات كەلىپ ءتۇستى. وقيعا ورنىنا كەلگەن جەدەل-تەرگەۋ توبى سىنعان قابىر تاقتالارى مەن تاقتايشالاردى، ودان بولەك تاعى دا باسقا فاكتىلەردى تىركەدى. بارلىعى بەس زيرات تالقاندالعان.
قىزمەتكەرلەر ۇشتوبە قالاسىنىڭ پسيحيكالىق اۋىر اۋرۋعا شالدىققان 34 جاستاعى تۇرعىنىن كۇدىكتى دەپ تانىدى.
«ەر ادام قاڭتار ايىندا ۇشتوبە مەن ورتاتوبە اۋىلى ماڭىنداعى زيراتتاردا جەرلەنگەن جەرلەردى قورلادى دەگەن كۇدىكپەن ۇستالعان بولاتىن. ەكى دەرەك بويىنشا دا قر قىلمىستىق كودەكسىنىڭ 294-بابى (بۇزاقىلىق) بويىنشا تەرگەۋ باستالدى، كەيىن ءىس قىلمىستىق كودەكستىڭ 314-بابىنا (ولگەن ادامداردىڭ ءمايىتىن جانە ولار جەرلەنگەن جەردى قورلاۋ) قايتا سارالاندى. اناسى ۇلىنىڭ تۋا بىتكەن پسيحيكالىق اۋىتقۋى بار ەكەنىن مالىمدەدى»،— دەدى قاراتال اۋداندىق پوليتسيا ءبولىمىنىڭ باسشىسى راۋان ءابدىرايىموۆ.
پوليتسەيلەر انىقتالعان فاكتىلەردى تىركەپ، ەر ادامدى تالدىقورعانداعى پسيحياتريالىق ديسپانسەرگە قايتادان جاتقىزدى.
«ادىرنا» ۇلتتىق پورتالى
