Almaty oblysynyŋ poliseilerı zirattardy qiratyp jürgen 34 jastaǧy er adamdy ūstady, dep habarlaidy «Adyrna» tılşısı.
14 mamyrda Qaratal audandyq polisiiasyna Kışıtöbe auylynyŋ maŋyndaǧy ziratqa būzaqylyq äreketı jasalǧany turaly aqparat kelıp tüstı. Oqiǧa ornyna kelgen jedel-tergeu toby synǧan qabır taqtalary men taqtaişalardy, odan bölek taǧy da basqa faktılerdı tırkedı. Barlyǧy bes zirat talqandalǧan.
Qyzmetkerler Üştöbe qalasynyŋ psihikalyq auyr auruǧa şaldyqqan 34 jastaǧy tūrǧynyn küdıktı dep tanydy.
«Er adam qaŋtar aiynda Üştöbe men Ortatöbe auyly maŋyndaǧy zirattarda jerlengen jerlerdı qorlady degen küdıkpen ūstalǧan bolatyn. Ekı derek boiynşa da QR Qylmystyq kodeksınıŋ 294-baby (Būzaqylyq) boiynşa tergeu bastaldy, keiın ıs Qylmystyq kodekstıŋ 314-babyna (Ölgen adamdardyŋ mäiıtın jäne olar jerlengen jerdı qorlau) qaita saralandy. Anasy ūlynyŋ tua bıtken psihikalyq auytquy bar ekenın mälımdedı»,— dedı Qaratal audandyq polisiia bölımınıŋ basşysy Rauan Äbdıraiymov.Poliseiler anyqtalǧan faktılerdı tırkep, er adamdy Taldyqorǧandaǧy psihiatriialyq dispanserge qaitadan jatqyzdy.
«Adyrna» ūlttyq portaly
