«Mudarabah Capital» قارجى پيراميداسىن ۇيىمداستىرۋ بويىنشا 14 كۇدىكتى تەرگەلىپ جاتىر. بۇل تۋرالى ارنايى بريفينگتە ىشكى ىستەر مينيسترلىگىنىڭ دەپارتامەنت باسشىسى ايتتى، دەپ حابارلايدى «ادىرنا» ءتىلشىسى.
كۇدىكتىلەردىڭ ىشىندە تانىمال ۆاينەر ءارى بلوگەر مەيىرجان تورەباەۆ، مەيىرحان شەرنيازوۆ جانە ءازىزجان سايدباەۆ بار.
قازىر جوعارىدا اتالعان تۇلعالاردىڭ جانە تۋىستارىنىڭ مۇلكى، اتاپ ايتساق، 4 جەر ۋچاسكەسى، 10 پاتەر، 1 دۇكەن، 5 ءۇي مەن 2 اۆتوكولىك تاركىلەنىپ الىندى.
«3 بلوگەر وسى قىلمىستىق ءىس بويىنشا كۇدىكتى دەپ تانىلدى، ەكەۋىنە قاتىستى «كەپىل» تۇرىندەگى، بىرەۋىنە «كۇزەتپەن ۇستاۋ» تۇرىندەگى بۇلتارتپاۋ شاراسى تاڭدالدى. كۇدىكتىلەردىڭ ءبىرى تەرگەۋ ورگاندارىنان جالتارىپ ءجۇر. ول سىرتتاي تۇتقىنعا الىنىپ، حالىقارالىق ىزدەۋ جاريالاندى»،— دەدى قر ءىىم تەرگەۋ دەپارتامەنتىنىڭ باسشىسى سانجار ءادىلوۆ.
«ادىرنا» ۇلتتىق پورتالى
