رەسەي اسكەرىنىڭ ۇشتەن بىرىنەن ايىرىلدى. بۇل تۋرالى ۇلىبريتانيا قورعانىس مينيسترلىگى جاريالاعان ۋكراينا مەن رەسەيدىڭ اسكەري الەۋەتىن تالداۋ ماتەريالىندا ايتىلدى، دەپ حابارلايدى «ادىرنا» ءتىلشىسى.
اسكەري بارلاۋ ورگانىنىڭ مالىمدەمەسىنە سۇيەنسەك، رەسەي ۋكرايناعا باسىپ كىرەر الدىندا جيناعان قۇرلىقتاعى جاۋىنگەرلىك كۇشتەرىنىڭ ۇشتەن ءبىرىن جوعالتقان.
رەسەيلىك جاۋىنگەرلىك شىعىننىڭ مۇنداي جوعارى كورسەتكىشتەرى العاش رەت جاريالانىپ وتىر. ونىڭ قاي بولىگى قالپىنا كەلتىرىلمەيتىنى (قايتىس بولعاندار سانى) بەلگىسىز.
ايتا كەتەيىك، كرەمل ەلدىڭ «ەلەۋلى شىعىنعا ۇشىراعانىن» مويىندادى. قورعانىس مينيسترلىگى قايتىس بولعاندار تۋرالى دەرەكتەردى سوڭعى رەت ناۋرىز ايىندا جاريالاعان. بۇدان كەيىن مىڭنان استام رەسەيلىك ساربازدىڭ قازا تاپقانى تۋرالى حابارلاندى.
«ادىرنا» ۇلتتىق پورتالى
