يران رەسەيگە جەتكىزەلەتىن ازىق-تۇلىك يمپورتىن 10 ەسەگە ارتتىرماق

2624
Adyrna.kz Telegram

يراندا وتاندىق ونىمدەردى رەسەيگە ەكسپورتتاۋ كولەمىن ارتتىرۋ ءۇشىن "جول كارتاسى" ازىرلەنۋدە. بۇل تۋرالى يران-ەۋرازيالىق زەرتتەۋلەر ينستيتۋتى جازدى، دەپ حابارلايدى «ادىرنا» ءتىلشىسى.

جوسپارعا سايكەس يراننان رەسەيگە يمپورتتى 10 ەسەگە ارتتىرۋ جوسپارلانعان.

وتكەن جىلى بۇل ەلدىڭ رەسەيگە ەكسپورتى $1 ملرد-قا جاقىندادى، ال قازىر بۇل ساندى $10 ملرد-قا دەيىن ارتتىرۋ مىندەتى تۇر.

رەسەي فەدەراتسياسىنىڭ فەدەرالدىق كەدەن قىزمەتىنىڭ مالىمەتى بويىنشا، ازىق-تۇلىك تاۋارلارى نەگىزىنەن يراننان رەسەيگە جەتكىزىلسە، رەسەي يرانعا اۋىلشارۋاشىلىق ونىمدەرىن، قۇرال-جابدىقتار مەن مەتالل قۇرىلىمدارىن ەكسپورتتايدى.

«ادىرنا» ۇلتتىق پورتالى

پىكىرلەر