ءدىن ماسەلەلەرى جونىندەگى رەسپۋبليكالىق توپ باتىس قازاقستان وبلىسىندا جانە اتىراۋ وبلىسىندا ءدىني پروفيلاكتيكالىق جۇمىستار جۇرگىزدى.
اعىمداعى جىلدىڭ 14-19 مامىرى ارالىعىندا ءدىن ماسەلەلەرى جونىندەگى رەسپۋبليكالىق اقپاراتتىق-ءتۇسىندىرۋ توبى باتىس قازاقستان وبلىسىندا بىرقاتار شارالاردى وتكىزدى.
ءدىن ماسەلەلەرى جونىندەگى رەسپۋبليكالىق اقپاراتتىق-ءتۇسىندىرۋ توبىنىڭ قۇرامىنا بىلىكتى تەولوگتار، ءدىنتانۋشىلار، پسيحولوگتار، مەملەكەتتىك ورگانداردىڭ جانە مەملەكەتتىك ەمەس ورگانداردىڭ وكىلدەرى ەنگەن.
ءتۇسىندىرۋ توبىنىڭ مۇشەلەرى ءوز كۇش-جىگەرلەرىن اتاۋلى جۇمىستارعا باعىتتادى. اتالعان جۇمىس اياسىندا دەسترۋكتيۆتى ءدىني اعىمداردى ۇستاناتىن ازاماتتارمەن ارنايى ءتۇسىندىرۋ جۇمىستارىن جۇرگىزدى.
ءتۇسىندىرۋ شارالارىمەن ورال قالاسى، اقجايىق، ءبورلى، جاڭعالا، سىرىم جانە تەرەكتى اۋداندارىنىڭ تۇرعىندارى قامتىدى.
توپتىڭ تەولوگتارى مۇقان يساحان، ەرشات وڭعاروۆ پەن تولەگەن تالدىباەۆ وبلىستىڭ ەلدى مەكەندەرىندە سەنۋشىلەرمەن كەزدەسۋلەر ۇيىمداستىرىدى. سونداي-اق راتت مۇشەلەرى راديكالدى ءدىني كوزقاراستى ۇستاناتىن سوتتالعاندارمەن جانە وبلىستىڭ تۇزەۋ مەكەمەلەرىندە جازاسىن وتەپ جاتقاندارمەن جەكەلەگەن اڭگىمەلەر جۇرگىزدى.
ءدىنشىل قاۋىممەن كەزدەسۋلەردە تەولوگ ەرشات وڭعاروۆ ءوز سوزىندە: «ەلىمىزدىڭ كەلەشەگى - اۋىزبىرشىلىكتە، رۋxاني تۇتاستىقتا. سونى ءاربىرىمىز سەزىنىپ، باعالاپ جانە ونى دامىتۋعا ءوز ۇلەسىمىزدى قوسۋىمىز قاجەت» دەپ باسا ايتتى.
رەسپۋبليكالىق اقپاراتتىق-ءتۇسىندىرۋ توبىنىڭ مۇشەلەرى اقبوپە تەلىگەنوۆا، تولعاناي مۇستافينا، زەينەت ۇسەنوۆا، ءاليا تولەگەنوۆا جانە گۇلجاميلا احمەتوۆا وبلىستاعى ءدىنشىل ايەلدەر اراسىندا ءتۇسىندىرۋ جۇمىستارىن جۇرگىزدى.
ايەلدەر جاماعاتىنىڭ وكىلدەرىمەن كوممۋنيكاتيۆتى جانە كاسىبي داعدىلاردى جەتىلدىرۋگە باعىتتالعان پسيحولوگيالىق ترەنينگتەر ۇيىمداستىرىلدى.
بەكىتىلگەن كەستە بويىنشا ءدىن ماسەلەلەرى جونىندەگى رەسپۋبليكالىق توپ باتىس قازاقستان وبلىسىنا اعىمداعى جىلدىڭ ەكىنشى جارتىسىندا قايتا بارۋدى جوسپارلاپ وتىر.
اعىمداعى جىلدىڭ 21-25 مامىر كۇندەرى ارالىعىندا ءدىن ماسەلەلەرى جونىندەگى رەسپۋبليكالىق اقپاراتتىق-ءتۇسىندىرۋ توبى اتىراۋ وبلىسىندا بولدى.
رەسپۋبليكالىق اقپاراتتىق-ءتۇسىندىرۋ توبىنىڭ قۇرامىندا بىلىكتى تەولوگتار، ءدىنتانۋشىلار، پسيحولوگتار، مەملەكەتتىك ورگاندار جانە مەملەكەتتىك ەمەس ۇيىمدار وكىلدەرى جۇمىس ىستەدى.
پروفيلاكتيكالىق جۇمىستار جۇرگىزۋ بارىسىندا دەسترۋكتيۆتى ءدىني اعىمداردى ۇستاناتىن ادامدارمەن اتاۋلى جۇمىستار جۇرگىزۋگە ايرىقشا كوڭىل ءبولىندى.
تەولوگتار ەرشات وڭعاروۆ، مۇقان يساحان جانە تولەگەن تالدىباەۆتار جىلىوي اۋدانى قۇلسارى قالاسىنىڭ ءدىني سەبەپتەر بويىنشا جالپى ءبىلىم بەرەتىن مەكەمەلەرگە بارماي جۇرگەن بالالارىنىڭ اتا-انالارىمەن جەكە اڭگىمەلەر ۇيىمداستىردى.
رەسپۋبليكالىق اقپاراتتىق-ءتۇسىندىرۋ توبىنىڭ مۇشەلەرى احمەتوۆا گۇلجاميلا، نۇرعاليەۆا دينارا جانە مۇستافينا تولعاناي جاس بالالارىن ەكتىرۋدەن باس تارتقان، دەسترۋكتيۆتى ءدىني اعىمداردى ۇستاناتىن ايەلدەرمەن كەزدەستى.
سونداي-اق وبلىستىڭ تۇزەۋ مەكەمەلەرىندە ءدىني ەكسترەميزم جانە تەرروريزم ءۇشىن سوتتالعان ادامدارمەن كەزدەسۋلەر بولدى.
رەسپۋبليكالىق اقپاراتتىق-ءتۇسىندىرۋ توبى جۇمىسىنىڭ اياسىندا ايەل جاماعاتى وكىلدەرىمەن، ايەلدەردىڭ كوممۋنيكاتيۆتىك جانە كاسىپتىك ءبىلىم-بىلىگىن ارتتىرۋعا باعىتتالعان پسيحولوگيالىق ترەنينگتەر ۇيىمداستىرىلدى.
جالپى پروفيلاكتيكالىق جانە جەكە كەزدەسۋلەر وتكىزۋ بارىسىندا رەسپۋبليكالىق اقپاراتتىق-ءتۇسىندىرۋ توبىنىڭ مۇشەلەرى ءدىن سالاسىن رەتتەيتىن زاڭنامالارعا ەنگىزىلگەن تۇزەتۋلەر مەن وزگەرىستەردى تۇسىندىرۋگە بارىنشا نازار اۋداردى.
"ادىرنا" ۇلتتىق پورتالى
