Din máseleleri jónindegi respýblıkalyq top Batys Qazaqstan oblysynda jáne Atyraý oblysynda dinı profılaktıkalyq jumystar júrgizdi.
Aǵymdaǵy jyldyń 14-19 mamyry aralyǵynda Din máseleleri jónindegi respýblıkalyq aqparattyq-túsindirý toby Batys Qazaqstan oblysynda birqatar sharalardy ótkizdi.
Din máseleleri jónindegi respýblıkalyq aqparattyq-túsindirý tobynyń quramyna bilikti teologtar, dintanýshylar, psıhologtar, memlekettik organdardyń jáne memlekettik emes organdardyń ókilderi engen.
Túsindirý tobynyń músheleri óz kúsh-jigerlerin ataýly jumystarǵa baǵyttady. Atalǵan jumys aıasynda destrýktıvti dinı aǵymdardy ustanatyn azamattarmen arnaıy túsindirý jumystaryn júrgizdi.
Túsindirý sharalarymen Oral qalasy, Aqjaıyq, Bórli, Jańǵala, Syrym jáne Terekti aýdandarynyń turǵyndary qamtydy.
Toptyń teologtary Muqan Isahan, Ershat Ońǵarov pen Tólegen Taldybaev oblystyń eldi mekenderinde senýshilermen kezdesýler uıymdastyrydy. Sondaı-aq RATT músheleri radıkaldy dinı kózqarasty ustanatyn sottalǵandarmen jáne oblystyń túzeý mekemelerinde jazasyn ótep jatqandarmen jekelegen áńgimeler júrgizdi.
Dinshil qaýymmen kezdesýlerde teolog Ershat Ońǵarov óz sózinde: «Elimizdiń keleshegi - aýyzbirshilikte, rýxanı tutastyqta. Sony árbirimiz sezinip, baǵalap jáne ony damytýǵa óz úlesimizdi qosýymyz qajet» dep basa aıtty.
Respýblıkalyq aqparattyq-túsindirý tobynyń músheleri Aqbópe Teligenova, Tolǵanaı Mustafına, Zeınet Úsenova, Álııa Tólegenova jáne Gúljamılá Ahmetova oblystaǵy dinshil áıelder arasynda túsindirý jumystaryn júrgizdi.
Áıelder jamaǵatynyń ókilderimen kommýnıkatıvti jáne kásibı daǵdylardy jetildirýge baǵyttalǵan psıhologııalyq trenıngter uıymdastyryldy.
Bekitilgen keste boıynsha Din máseleleri jónindegi respýblıkalyq top Batys Qazaqstan oblysyna aǵymdaǵy jyldyń ekinshi jartysynda qaıta barýdy josparlap otyr.
Aǵymdaǵy jyldyń 21-25 mamyr kúnderi aralyǵynda Din máseleleri jónindegi respýblıkalyq aqparattyq-túsindirý toby Atyraý oblysynda boldy.
Respýblıkalyq aqparattyq-túsindirý tobynyń quramynda bilikti teologtar, dintanýshylar, psıhologtar, memlekettik organdar jáne memlekettik emes uıymdar ókilderi jumys istedi.
Profılaktıkalyq jumystar júrgizý barysynda destrýktıvti dinı aǵymdardy ustanatyn adamdarmen ataýly jumystar júrgizýge aıryqsha kóńil bólindi.
Teologtar Ershat Ońǵarov, Muqan Isahan jáne Tólegen Taldybaevtar Jylyoı aýdany Qulsary qalasynyń dinı sebepter boıynsha jalpy bilim beretin mekemelerge barmaı júrgen balalarynyń ata-analarymen jeke áńgimeler uıymdastyrdy.
Respýblıkalyq aqparattyq-túsindirý tobynyń músheleri Ahmetova Gúljámılá, Nurǵalıeva Dınara jáne Mustafına Tolǵanaı jas balalaryn ektirýden bas tartqan, destrýktıvti dinı aǵymdardy ustanatyn áıeldermen kezdesti.
Sondaı-aq oblystyń túzeý mekemelerinde dinı ekstremızm jáne terrorızm úshin sottalǵan adamdarmen kezdesýler boldy.
Respýblıkalyq aqparattyq-túsindirý toby jumysynyń aıasynda áıel jamaǵaty ókilderimen, áıelderdiń kommýnıkatıvtik jáne kásiptik bilim-biligin arttyrýǵa baǵyttalǵan psıhologııalyq trenıngter uıymdastyryldy.
Jalpy profılaktıkalyq jáne jeke kezdesýler ótkizý barysynda Respýblıkalyq aqparattyq-túsindirý tobynyń músheleri din salasyn retteıtin zańnamalarǵa engizilgen túzetýler men ózgeristerdi túsindirýge barynsha nazar aýdardy.
"Adyrna" ulttyq portaly
