Takeda بيوفارماتسەۆتيكالىق كومپانياسى الماتىداعى ونكولوگيا ينستيتۋتىنىڭ (قازورعزي) اۋماعىنداساكۋرا اعاشتارىن وتىرعىزدى.
«تاكەدا قازاقستان»كومپانياسى – Takeda Pharmaceuticals (Takeda) جاھاندىق بيوفارماتسەۆتيكالىق كومپانياسىنىڭ رەسمي وكىلدىگى جانە قازاق ونكولوگيا جانە راديولوگيا عىلىمي-زەرتتەۋ ينستيتۋتى (قازورعزي) اۋماعىندا ساكۋرا اعاشتارىن وتىرعىزدى. اعاش وتىرعىزۋ ونكولوگيا ينستيتۋتى مەن ەلىمىزگە قاتەرلى ىسىككە قارسى يننوۆاتسيالىق پرەپاراتتاردى جەتكىزەتىن جەتەكشى فارماتسەۆتيكالىق كومپانيا اراسىنداعى ىنتىماقتاستىقتى ودان ءارى نىعايتۋدىڭ سيمۆولى بولدى.
اتاۋلى ناۋقان ينستيتۋت پەن Takeda اراسىندا قول قويىلعان قازاقستان اۋماعىنداعى ونكولوگيالىق اۋرۋلارمەن كۇرەس سالاسىنداعى ىنتىماقتاستىق تۋرالى كەلىسىم شەڭبەرىندە ءوتتى.
راسىمگە قازاقستانداعى Takeda بيوفارماتسەۆتيكالىق كومپانياسى بولىمشەسىنىڭ جانە ونكولوگيا ينستيتۋتىنىڭ ءبىرىنشى باسشىلارى قاتىستى. ولار ينستيتۋت اۋماعىندا بىرنەشە ساكۋرا كوشەتتەرىن وزدەرى وتىرعىزدى. اعاشتار ونكولوگيا ينستيتۋتىنىڭ اۋلاسىنا، پاتسيەنتتەر دەمالاتىن سامالجايلاردىڭ جانىنا ورنالاستىرىلدى. سونىمەن قاتار، كومپانيا سامالجايلارعا ىرگەلەس اۋماقتى ابباتاندىردى. ساكۋرالارمەن بىرگە 50-گە جۋىق بۇتالار وتىرعىزىلدى، ولاردىڭ ىشىندە حوست گۇلى، ارشا، ۆانگۋت سپيرەياسى، قىزىل بورىقاراقات، راۋشان، گورتەنزيا سياقتى ساندىك وسىمدىكتەر بار.
– بۇگىن بولعان وقيعانىڭ سيمۆولدىق ءمانى بار, – دەپ سالتاناتتا سويلەگەن سوزىندە مەديتسينا عىلىمدارىنىڭ دوكتورى، قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى، قر ونكولوگتار قاۋىمداستىعىنىڭ پرەزيدەنتى ديليارا قايداروۆا اتاپ ءوتتى. – Takeda كومپانياسى دەنەنى ەمدەيتىن يننوۆاتسيالىق ونكولوگيالىق پرەپاراتتاردىڭ ازىرلەۋى مەن ءوندىرىسىن جۇرگىزەدى، ال ءبىز جاساعان ادەمى باق پاتسيەنتتەرىمىزدىڭ جان دۇنيەسىن ساۋىقتىرۋعا كومەكتەسەدى. ءبىزدىڭ Takedaكومپانياسىمەن ىنتىماقتاستىعىمىز ۇزاق مەرزىمدى سيپاتقا يە جانە ول پاتسيەنتتەردى بارىنشا قولداۋعا، ەڭ وزىق الەمدىك تەحنولوگيالاردى قولدانا وتىرىپ، ونكولوگيالىق اۋرۋلاردى دياگنوستيكالاۋ مەن ەمدەۋدى جاقسارتۋعا باعىتتالعان.
Takeda وكىلدەرى اتاپ وتكەندەي، كومپانيا يننوۆاتسيالىق ونكولوگيالىق پرەپاراتتاردى ازىرلەۋ مەن ءوندىرۋدى بەلسەندى تۇردە دامىتۋدا. بۇل فارماتسەۆتيكالىق الپاۋىت جۇمىسىنىڭ ماڭىزدى ستراتەگيالىق باعىتتارىنىڭ ءبىرى، بۇل ونىڭ الەمدىك مەديتسينادا جوعارى تەحنولوگيالاردى دامىتۋ باعىتىن كورسەتەدى. بۇل رەتتە كومپانيانىڭ باستى قاعيداتى پاتسيەنتكە باعدارلانۋ بولىپ تابىلادى، ياعني ءبىرىنشى ورىنعا ءاردايىم پاتسيەنتتىڭ مۇددەسى قويىلادى.
– Takeda پاتسيەنتتەرگە دەگەن ادالدىعىن ءاردايىم كورسەتەدى، – دەدى Takeda كومپانياسىنىڭ ۋكراينا جانە تمد كلاستەرىنىڭ قىزمەت دەپارتامەنتىنىڭ ديرەكتورى عالىم داۋلەتباقوۆ. – بۇل ءبىزدىڭ عىلىمي جاڭالىقتارىمىز بەن جەتىستىكتەرىمىز ءۇشىن باعدار رەتىندە قىزمەت ەتىپ قانا قويماي، Takeda ءۇشىن پاتسيەنت ءاردايىم نازاردا بولاتىن كومپانيا بولۋعا مۇمكىندىك بەرەدى. ءبىزدىڭ وكىلدىكتەرىمىز پاتسيەنتتەردىڭ قاجەتتىلىكتەرىن بارىنشا قاناعاتتاندىرۋعا تىرىسادى، ولاردى الەمدەگى ەڭ وزىق ەمدەۋ تەحنولوگيالارىمەن قامتاماسىز ەتەدى. ءبىز الداعى ۋاقىتتا ءاربىر ناقتى پاتسيەنتتىڭ تۇرعىلىقتى جەرىنە قاراماستان، ونكولوگيالىق اۋرۋلاردى دياگنوستيكالاۋ مەن ەمدەۋدىڭ قولجەتىمدىلىگى مەن تيىمدىلىگىن ارتتىرۋ ءۇشىن بارلىعىن جاساۋعا نيەتتىمىز. پاتسيەنتكە باعدارلانۋ ءبىزدىڭ ەلىمىزدىڭ دارىگەرلەرىمەن ىنتىماقتاستىعىمىزدىڭ نەگىزگى قاعيداتى بولدى جانە بولىپ قالا بەرەدى. ءبىز ەڭ جاقسى ناتيجەلەردى قامتاماسىز ەتۋ ءۇشىن قاتەرلى ىسىكپەن اۋىراتىن ادامداردىڭ قاجەتتىلىكتەرىن قاناعاتتاندىرۋ ءۇشىن قازاقستاندىق ونكولوگتار قاۋىمداستىعىمەن سەرىكتەستىكتى نىعايتۋعا ۇمتىلامىز.
قازورعزي-دا اتاپ وتكەندەي، ونكولوگيالىق اۋرۋلار قازاقستان تۇرعىندارىنىڭ ءولىمىنىڭ نەگىزگى سەبەپتەرى اراسىندا ەكىنشى ورىن الادى. سوندىقتان ونكولوگيالىق اۋرۋلارمەن اۋىراتىن ناۋقاستارعا مەديتسينالىق كومەك پەن قازىرگى زامانعى تەراپيانىڭ قولجەتىمدىلىگىن ارتتىرۋ –ونكولوگيا ينستيتۋتىنىڭ ماڭىزدى مىندەتتەرىنىڭ ءبىرى. قازاقستاندا ونكولوگيالىق كومەكتى جەتىلدىرۋ قر دەنساۋلىق ساقتاۋدى دامىتۋدىڭ 2020-2025 جىلدارعا ارنالعان مەملەكەتتىك باعدارلاماسىنىڭ جانە 2018-2022 جىلدارعا ارنالعان ونكولوگيالىق اۋرۋلارمەن كۇرەس جونىندەگى كەشەندى جوسپاردىڭ مىندەتتەرىنە كىرەدى.
ءبىزدىڭ ەلىمىزدە جىل سايىن 35 مىڭنان استام جاڭا قاتەرلى ىسىك اۋرۋى تىركەلەدى. قازىرگى ۋاقىتتا ديسپانسەرلىك ونكولوگيالىق ەسەپتە 196 مىڭنان استام قازاقستاندىق تۇر. جىل سايىن ەلىمىزدە قاتەرلى ىسىكتەن 15 مىڭعا جۋىق ادام كوز جۇمادى. ونكولوگيالىق اۋرۋلاردى ەرتە دياگنوستيكالاۋ (0-1 ساتىداعى قاتەرلى ىسىكتەر) 2022 جىلدىڭ ءۇش ايىندا 1,3%-عا ۇلعايدى جانە جاڭا جاعدايلاردىڭ جالپى قۇرىلىمىندا 27,1% قۇرادى. 2021 جىلدىڭ ءۇش ايىنىڭ قورىتىندىسى بويىنشا بەس جىلدىق ءومىر ءسۇرۋ دەڭگەيى ءوسىپ، 55,1% قۇرادى. 2021 جىلعى دەرەكتەر بويىنشا بارلىعى 143 014 پاتسيەنت ەمدەلگەن. اۋرۋدىڭ يندەكسى اۋرۋدى ەرتە كەزەڭدەردە ءتيىمدى دياگنوستيكالاۋ مەن انىقتاۋدىڭ ارقاسىندا جىل سايىن ءوسىپ كەلەدى جانە ونكولوگيا جانە راديولوگيا عزي بۇل جاعدايدا وزىنە وتە جوعارى جۇكتەمە الادى. ينستيتۋت پەن ونىڭ بولىمشەلەرى ەمدەيتىن پاتسيەنتتەرى جىل سايىن ارتىپ كەلەدىجانە بۇل جۇمىستىڭ ناتيجەلىلىگى ايقىن كورىنەدى: تىركەلگەن اۋرۋلاردىڭ وسۋىنە قاراماستان، ەلدە قاتەرلى ىسىك اۋرۋىنان بولاتىن ءولىم ازايادى. ماسەلەن، 2020 جىلى ونكولوگيالىق اۋرۋلاردان بولاتىن ءولىم-ءجىتىم 14 مىڭنان استام جاعدايدى قۇرادى، بۇل رەتتە ەلدە 1%–دان استام تومەندەۋگە قول جەتكىزىلدى – بۇل پاندەميا كەزىندە دەنساۋلىق ساقتاۋ جۇيەسىنە تىم جوعارى جۇكتەمەگە قاراماستان.
ايتا كەتۋ كەرەك، ونكولوگيالىق اۋرۋلاردى ەمدەۋدىڭ زاماناۋي ادىستەرى ءار جاعدايمەن جۇيەلى جانە ۇزاق جۇمىستى قاجەت ەتەدى. كوپتەگەن پاتسيەنتتەر جىل بويى بىرنەشە رەت ەمدەلەدى، كەيدە بۇل ۇزاق ۋاقىتتى الادى – كۋرس بىرنەشە اپتا، ءتىپتى بىرنەشە ايعا سوزىلۋى مۇمكىن. ينستيتۋت دارىگەرلەرى مۇنداي جاعدايدا ولار ءۇشىن مەديتسينالىق ورتالىق اۋماعىندا ناۋقاستار ءۇشىن ەرەكشە جايلىلىق پەن ميكروكليمات جاساۋ اسا ماڭىزدى ەكەنىن اتاپ ءوتتى. ەمدەۋ كەشەنىنىڭ اۋماعىندا ساكۋرا اعاشتارى مەن ساندىك بۇتالاردى وتىرعىزۋدىڭ نەگىزگى ءمانى وسىندا.
"ادىرنا" ۇلتتىق پورتالى
