الماتى قالاسىنداعى مەكتەپتەردىڭ بىرىندە 7-سىنىپ وقۋشىلارى 1-سىنىپ وقۋشىسىن ساباقتان الىپ شىعىپ، زورلاعان، دەپ حابارلايدى "ادىرنا" ۇلتتىق پورتالى كتك ارناسىنا سىلتەمە جاساپ.
"الماتى قالاسىنداعى جەكەمەنشىك مەكتەپتەگى 12 بالادان تۇراتىن سىنىپتا 7-سىنىپتىڭ ءۇش وقۋشىسى ءبىرىنشى سىنىپ وقۋشىسىن بىرنەشە كۇن بويى ساباقتان الىپ شىعىپ، دارەتحانادا زورلاعان. مۇعالىم بالانى جىبەرگەن، ەشتەڭە كورمەگەن، كۇدىكتەنبەگەن، سۇمدىق!" - دەيدى قۇقىق قورعاۋشى دينا سمايلوۆا.
بالانىڭ اكەسى وقيعا تۋرالى ەكى اپتا بۇرىن ءبىلىپ، پوليتسياعا حابارلاعان.
الماتى قالالىق ءىىد باستىعىنىڭ ورىنباسارى رۋستام ءابدىراحمانوۆ 21 ساۋىردە بالانىڭ اكەسى ناۋرىزباي اۋداندىق پوليتسيا بولىمىنە ارىز جازعانىن ايتتى. سول كۇنى ارىز "سەكسۋالدىق سيپاتتاعى زورلىق-زومبىلىق ارەكەتتەرى" بابى بويىنشا سوتقا دەيىنگى تەرگەۋدىڭ بىرىڭعاي رەەسترىنە تىركەلگەن.
قازىرگى ۋاقىتتا ءتيىستى ساراپتامالار تاعايىندالدى، قاجەتتى تەرگەۋ ارەكەتتەرى جۇرگىزىلۋدە، ناتيجەسىندە ءىس بويىنشا زاڭدى پروتسەسسۋالدىق شەشىم قابىلداناتىن بولادى. تەرگەۋ جان-جاقتىلىق، تولىقتىق جانە وبەكتيۆتىلىك قاعيداتتارىن قاتاڭ ساقتاي وتىرىپ جۇرگىزىلەدى. قىلمىستىق ءىستىڭ تەرگەۋ بارىسى مەن ناتيجەسى الماتى قالالىق پوليتسيا دەپارتامەنتىندە باقىلاۋعا الىندى.
"ادىرنا" ۇلتتىق پورتالى
